Vokzaldarda poıyzdardyń keshigetini habarlanyp otyr.
Elimizde aýa raıynyń qolaısyzdyǵynan keıbir poıyzdar ýaqytynan keshigip jatyr, dep habarlaıdy Almaty-akshamy.kz
«Aýa raıynyń qolaısyzdyǵyna baılanysty qaýipsizdikti qamtamasyz etý úshin temirjol ýchaskelerinde qozǵalys jyldamdyǵyna shekteý qoıyldy», - delingen «Qazaqstan temir joly» ulttyq kompanıasynyń baspasóz qyzmetiniń habarlamasynda.
Dál qazir keshigip jatqan poıyzdar:
- № 3/4 jáne № 9/10 «Astana-Almaty»,
- № 45/46 «Pavlodar-Túrkistan»,
- № 51/52 «Almaty-Oral»,
- № 65/66 «Astana-Jezqazǵan»,
- № 71/72 jáne № 86/85 «Astana-SHymkent»,
- № 73/74 «Almaty-Jezqazǵan»,
-№ 105/106 «Almaty-Petropavl».
Sondaı-aq, ulttyq kompanıadan poıyzdardyń qozǵalys kestesin qalpyna keltirý boıynsha qajetti sharalardyń qabyldanyp jatqany aıtyldy.
«Vokzaldarda poıyzdardyń keshigetini habarlanyp otyr. Habarlama 1433 anyqtama qyzmeti arqyly táýlik boıy beriledi. Eger poıyz 3 saǵattan artyq keshikse jolaýshylarǵa SMS habarlama jiberiledi», - delingen habarlamada.
Odan bólek, resmı aqparatta aıtylǵandaı, poıyz bıletterin keri qaıtarý jaıly málimetti +7 (707) 270-36-64 (WhatsApp) nómirinen bilýge bolady.
«Keshikken poıyzdyń ár saǵaty úshin bılet qunynyń úsh paıyzy mólsherinde aıyppul tólenedi. Poıyz 6 saǵattan artyq keshikse, meıramhanada tegin tamaq beriledi. Sol sıaqty vokzaldardaǵy tamaqtaný oryndary men saýda núkteleriniń, sanıtarlyq aımaqtardyń (ájethanalardyń) úzdiksiz jumys isteýi baqylaýda», - dep habarlaıdy Qazaqstan temir joly.