Qarjylyq monıtorıń agenttigi qoǵamdyq qaıyrymdylyq qorynyń teń quryltaıshysy jáne basshysy Perızat Qaıratqa qatysty tergeýdi jalǵastyrýda, dep habarlaıdy aqshamnews.kz.
Eske sala keteıik, ol kóktemgi sý tasqynynan zardap shekken azamattarǵa kómek kórsetý úshin, sondaı-aq Palestına turǵyndaryna gýmanıtarlyq kómek kórsetý maqsatynda jınalǵan 1,7 mlrd teńgeden astam qarajatty jymqyrdy dep kúdiktelýde.
Sottyń sanksıasymen qylmystyq jolmen alynǵan qarajatqa satyp alynǵan Astana qalasyndaǵy "Akbulak Riviera", "Highvill Ishim Gold", "Kók Jaılaý" (turaq oryndaryn qosa alǵanda), "Sensata Plaza" TK, sondaı-aq "Vela Village" kotej qalashyǵyndaǵy elıtalyq jyljymaıtyn múlik, Mercedes-Benz S450, Mercedes-Benz EQE 500, Lexus LX-600, Haval avtomobılderi buǵattaldy.
Perızat Qaırattyń turǵylyqty jerin tintý barysynda qaıyrymdylyqqa jınalǵan qarajatqa satyp alynǵan qymbat tehnıka, Cartier, Graff, Rolex, Bulgari, Gucci, Louis Vuitton, Versace, Chopard, Hermes, Dolce & Gabbana, Prada jáne t. b. sıaqty tanymal álemdik brendterdiń kıim, aıaq kıim, zergerlik buıymdar, sómkeleri tabylyp, tárkilendi.
Tárkilengen múlik zattaı dáleldemeler retinde tanylyp, is materıaldaryna qosyldy.
Tárkilengen zattar boıynsha sol anyqtaıtyn bolady.
Tergeý jalǵasýda.
QR QPK-niń 201-baby tártibindegi ózge de aqparat jarıa etýge jatpaıdy.
Eger siz Perızat Qaırattyń qarajattyń, jyljymaıtyn múliktiń jáne basqa da múliktiń (onyń ishinde úshinshi tulǵalarǵa resimdelgen) ornalasqan jeri týraly aqparatty bilseńiz, Qarjylyq monıtorıń agenttigine nemese +7 (7172) 70-84-78, 70-84-79 (qosymsha nómiri: 21384) telefon nómiri boıynsha habarlasýyńyzdy suraımyz.