Almaty qalasynyń polısıa qyzmeti shartty túrde merziminen buryn bosatylǵan azamattyń zań buzǵany úshin qaıta qamaýǵa alynǵany týraly habarlady.
Oqıǵa ótken jazda túrmeden bosap shyqqan 35 jastaǵy er adamǵa qatysty. Sot onyń jazasynyń ótelmegen bóligin úı jaǵdaıynda óteýine múmkindik bergen bolatyn, dep habarlaıdy aqshamnews.kz Polisia.kz-ke silteme jasap.
Alaıda, azamat bul múmkindikti baǵalamady. Bostandyqta júrgende ol zań talaptaryn, qoǵamdyq tártipti jáne shartty túrde merziminen buryn bosatylý talaptaryn óreskel buzdy. Bul sottyń ony qaıta qamaýǵa alý týraly sheshim shyǵarýyna negiz boldy.
Polısıanyń aıtýynsha, bul jaǵdaı arnaıy kezdesýde basqa shartty túrde merziminen buryn bosatylǵan azamattarǵa da eskertildi. Basqalardyń qateliginen sabaq alý mańyzdy. Sondyqtan esepte turǵan adamdarǵa zań talaptaryn qatań saqtaý qajettigi taǵy da túsindirildi. Túrksib aýdanynyń ózinde shartty túrde merziminen buryn bosatý týraly 10 buıryqtyń kúshi joıyldy. Jalpy, mundaı azamattardyń tártibi men ómir saltyna qatysty qadaǵalaý jumystary úzdiksiz júrgizilip, baqylaýda tur.