Almaty oblysynda Desanttyq-shabýyldaý áskerleriniń komandalyq quramymen oqý-ádistemelik jıyn ótti.
Eki kúndik is-sharaǵa Almaty, Taldyqorǵan, Qonaev garnızondarynan 200-ge jýyq ofıser men serjant qatysty, dep habarlaıdy Almaty-akshamy.kz.
İs-shara desanttyq-shabýyldaý áskerleriniń qolbasshysy, general-maıor Almaz Jumakeevtiń basshylyǵymen ótti. Jıyndy uıymdastyrýdaǵy maqsat áskerı bólimderdiń tynys-tirshiligin uıymdastyrý, jaýyngerlik daıarlyq boıynsha sabaqtar ótkizý algorıtmin, joǵary jaýyngerlik ázirlikti jáne áskerı tártipti saqtaý jónindegi is-sharalardy birdeı túsinýge keltirý bolyp tabylady.
«Álemde bolyp jatqan oqıǵalar qalyptasqan jaǵdaıdy jan-jaqty taldaýǵa, qorǵanys qabiletin naqty nyǵaıtý jáne áskerlerdiń jaýyngerlik ázirligin arttyrý jóninde keshendi sharalar qabyldaýǵa mindetteıdi», – dep atap ótti general-maıor Almaz Jumakeev.
Quramalardyń, áskerı bólimderdiń komandırlerine, olardyń orynbasarlaryna jáne basqa da laýazymdy adamdarǵa Qorǵanys mınıstri men Qarýly kúshter Bas shtaby bastyǵynyń jaýyngerlik ázirliktiń, qarý-jaraq pen oq-dárilerdiń saqtalýyn, qarý-jaraq pen áskerı tehnıkanyń tıisti paıdalanylýyn qamtamasyz etý jónindegi talaptary jetkizildi.
Tehnıkalyq qamtamasyz etý basqarmasy uıymdastyrǵan praktıkalyq sabaqta dalalyq jaǵdaıda avtomobıl jáne brondy tank tehnıkasyn jóndeý boıynsha oqý-jattyǵý oryndary ornalastyryldy. Jaýyngerlik mashınalardy júrgizýdi uıymdastyrý, olardy temirjol platformasyna tıeý jáne túsirý boıynsha sabaqtar ótkizildi.
Jıyn aıasynda ǵylymı-teorıalyq konferensıa ótti. Onda qazirgi kezdegi desantshylardyń oryndaıtyn mindetteri qaraldy.
Ásker qolbasshysy jeke quramnyń nazaryn Desanttyq-shabýyldaý áskerleriniń el Qarýly kúshteriniń quramdas bóligi retinde túrli deńgeıdegi jáne qarqyndylyqtaǵy áskerı qaqtyǵystarǵa ǵana emes, terorızmge qarsy áreketterge de daıyn bolýy kerek ekendigine aýdardy.
Shara sońynda 2022 oqý jylyndaǵy qyzmettiń qorytyndysy shyǵaryldy. Jaýyngerlik daıyndyqtyń, qarý-jaraq pen áskerı tehnıkany kútip ustaýdyń jáne áskerı tártiptiń jaı-kúıi boıynsha 38-shi desanttyq-shabýyldaý quramasy úzdik dep tanyldy.