Qazaqstan Prezıdenti Qasym-Jomart Toqaev Qazaqstan halqy Assambleıasynyń HHHİV sesıasynda sóılegen sózinde el ishindegi etnıkalyq áralýandylyqty ulttyq baılyq retinde baǵalap, bul ereksheliktiń Qazaqstannyń turaqty damýyna yqpal etip otyrǵanyn basa aıtty. Bul týraly Aqshamnews.kz saıty habarlaıdy.
Áralýandylyq – birliktiń jáne kúshtiń bastaýy
Memleket basshysy álemniń keıbir elderinde etnıkalyq ártúrlilik senimsizdik pen qaqtyǵys kózi retinde qabyldanatynyn aıta otyryp, Qazaqstanda bul kerisinshe – qoǵamdy biriktiretin, bolashaqqa jeteleıtin uly kúsh ekenin málimdedi.
"Keıbir memleketter úshin etnıkalyq áralýandylyq syn-qaterdiń, senimsizdik pen tózbeýshiliktiń belgisi bolýy múmkin. Biraq bul bizdiń jalpyulttyq qazynamyz ári strategıalyq artyqshylyǵymyz", – dedi Toqaev.
Prezıdent Qazaqstan halqynyń birligin nyǵaıtatyn basty qundylyqtardy da atap ótti. Olarǵa yntymaq, dıalog, senim men qurmet, azamattyq jaýapkershilik sekildi qaǵıdattar jatady.
"Osy qundylyqtarǵa arqa súıeı otyryp, biz Táýelsizdiktiń zor jetistikterin saqtap, eselep, keler urpaqqa amanattaı alamyz", – dedi Memleket basshysy.
Prezıdent óz sózinde Qazaqstan halqy Assambleıasynyń 30 jyldyǵy – el táýelsizdigi tarıhyndaǵy mańyzdy beles ekenin atap ótti. Bul mereıtoı ulttyq kelisim men birliktiń naqty jemisin kórsetetin aıryqsha oqıǵa bolmaq.
"Qazaqstan halqy Assambleıasynyń 30 jyldyǵy – egemendik tarıhyndaǵy aıtýly oqıǵa. Bul mereıtoı ár azamattyń baq-berekesin arttyrý jolynda ultymyzdy uıystyratyn mańyzdy beleske aınalady dep senemin", – dedi Toqaev.
Sondaı-aq, Prezıdent eldegi berekeli ómir men tatýlyqtyń qalyptasýyna úles qosqan azamattardyń eńbegin joǵary baǵalaıtynyn jetkizdi.
"Biz halqymyzdyń bereke-birligin nyǵaıtýǵa úles qosqan azamattarymyzǵa árdaıym qurmet kórsetemiz. Otyz jylda jetken jetistikterimiz osyndaı abzal jandardyń eseli eńbeginiń jemisi ekeni sózsiz", – dep túıindedi ol.