Qazaqstan Prezıdenti Qasym-Jomart Toqaev Qazaqstan halqy Assambleıasynyń HHHİV sesıasynda sóılegen sózinde qoǵamnyń birligi men turaqtylyǵyna tónýi múmkin qaýipterge toqtalyp, el ishindegi popýlısik urandar men destrýktıvti áreketterge qatań qarsy turý qajet ekenin málimdedi. Bul týraly Aqshamnews.kz saıty habarlaıdy.
Memleket basshysy qazirgi kúrdeli geosaıası jáne ekonomıkalyq jaǵdaıdy óz múddesine paıdalanǵysy keletin keıbir jeke tulǵalar men saıası avantúrıserge eskertý jasady.
"Qazirgi kúrdeli jaǵdaıdy jeke múddesine paıdalanǵysy keletin túrli popýlıser men saıasatkersymaqtar bar. El múddesine qastyq oılaǵan ondaı adamdarǵa tutas qoǵam bolyp qarsy turýymyz kerek", – dedi Toqaev.
Prezıdenttiń bul málimdemesi el ishindegi turaqtylyq pen qoǵamdyq kelisimdi saqtaý úshin árbir azamattyń jaýapkershiligin arttyrý qajettigin meńzeıdi.
Toqaev Qazaqstandy alda ońaı emes kezeń kútip turǵanyn ashyq aıtty. Degenmen, bul qıyndyqtardy eńserýge halyqtyń qabileti men memlekettiń daıyndyǵy jetkilikti ekenin basa aıtty.
"Alda kúrdeli kezeń kele jatyr. Ońaı bolmaıdy. Biraq alańdaýǵa esh negiz joq", – dedi ol.
Prezıdent únemi qaıtalaıtyn bir ustanymyn taǵy da atap ótti: "Bul qıyndyq ta artta qalady." Bul sóz – halyqqa senim men úmit uıalatatyn naqty baǵdar bolmaq.
Memleket basshysy kez kelgen daǵdarys jańa múmkindikterge jol ashatynyn atap ótti. Sondyqtan qazirgi syn-qaterlerge qarsy turyp qana qoımaı, olardan damý baǵyttaryn taba bilý mańyzdy.
"Kez kelgen aýqymdy daǵdarystan keıin zor múmkindikterge jol ashylady. Sol múmkindikterdi der kezinde ári durys paıdalaný qajet", – dedi Toqaev.
Ol el retinde jınaqy bolyp, naqty nátıjege baǵyttalǵan maqsattardy kózdeý kerektigin basa aıtty. Bul – memleket pen qoǵamnyń keleshekte tabysqa jetýiniń basty sharty.