Astana qalasynyń Qylmystyq ister jónindegi mamandandyrylǵan aýdanaralyq sotynda Q.Bıshimbaevtyń isi boıynsha alqabıler alqasyna kandıdattardy irikteıtin jabyq otyrys júrip jatyr.
Otyrysta 12 adamnan turatyn (10 negizgi jáne 2 qosalqy) alqabıler alqasy qurylady. Osyǵan oraı, keshe alqabıler alqasyna iriýkteý tártibi túsindirildi.
«Qazaqstan Respýblıkasynyń soty eń aldymen isterdi zańdylyq, zań men sot aldyndaǵy barlyǵynyń teńdigi, taraptardyń teńdigi jáne ashyqtyq qaǵıdattaryn saqtaýǵa baǵyttalǵanyn atap ótkim keledi.
Ózderińizge málim, Q.Bıshimbaevqa qatysty sot talqylaýyna qoǵamnyń qyzyǵýshylyǵynyń artqanyn eskere otyryp, osy is boıynsha ashyq sot otyrystarynan ashyq onlaın-translásıa uıymdastyrý týraly sheshim qabyldandy.
Osylaısha, onlaın-translásıa arqyly kez kelgen adam, sonyń ishinde BAQ ókilderi bul sot prosesiniń barysyn baqylaı alady», — dep jazdy Joǵarǵy sottyq baspasóz qyzmeti ókili Perızat Sádýaqas.
Bul sheshim sot talqylaýynyń ashyq ári jarıaly bolǵanyn jáne jalǵasatynyn bildiredi.
Proseske qatysýshylardyń jáne qatysýǵa nıet bildirýshilerdiń kóptigin eskere otyryp, otyrystan onlaın-translásıa júrgiziletin qosymsha eki zal uıymdastyryldy.