Qaýly jobasy «Ashyq NQA» portalyna ornalastyrylǵan.
Úkimet eńbek ınspeksıasyn jergilikti atqarýshy organdardan ortalyq memlekettik organnyń qaramaǵyna berý týraly sheshim qabyldady, dep habarlaıdy Almaty-akshamy.kz
Osyǵan baılanysty Eńbek jáne halyqty áleýmettik qorǵaý mınıstrligi «Ashyq NQA» portalynda «Qazaqstan Respýblıkasy Eńbek jáne halyqty áleýmettik qorǵaý mınıstrliginiń keıbir máseleleri týraly» QR Úkimeti qaýlysynyń jobasyn daıyndap, ornalastyrdy.
Qaýly jobasynda:
Vedomstvonyń janynan jeke Memlekettik eńbek ınspeksıasy komıtetin qurý;
Eńbek jáne áleýmettik qorǵaý komıtetiniń ataýyn Halyqty áleýmettik qorǵaý salasyndaǵy retteý jáne baqylaý komıteti dep ózgertý;
Eńbek jáne áleýmettik qorǵaý komıtetiniń aýmaqtyq bólimsheleriniń ataýyn ózgertý;
memlekettik eńbek ınspeksıasynyń qyzmetine baılanysty redaksıalyq túzetýler kózdeledi.
Eńbek ınspeksıasyn jergilikti atqarýshy organdardan mınıstrlktiń qaramaǵyna berý nátıjesinde eńbek zańnamasynyń saqtalýyna memlekettik baqylaý kúsheıtiletin bolady. Bul qyzmetkerlerdiń quqyǵy men múddesin qorǵaýǵa, el kásiporyndaryndaǵy qaýipsiz eńbek jaǵdaılaryn qamtamasyz etýge, sondaı-aq eńbek daýlary men janjaldardyń týyndaý táýekelderin azaıtýǵa yqpal etetin bolady.