Astana qalasynda áıelin asa qatigezdikpen qınap óltirdi dep aıyp taǵylǵan Qýandyq Bıshimbaevqa qatysty sot otyrysy ótti.
Qoǵamdyq rezonans týdyrǵan qaıǵyly jaǵdaıǵa qatysty sot otyrysy Joǵarǵy sottyń resmı áleýmettik jelilerinde tikeleı efırden kórdi, dep habarlaıdy Almaty-akshamy.kz.
Aıyptalýshydan jaýap alý kezinde S.Núkenovanyń anasy kózine jas alyp: «Sen ony segiz saǵat boıy óltirdiń. Ótkenińdi aıtyp bereıin be? Qyzymdy qalaı óltirgenińdi...», dedi sotqa qatysýshy sottalýshyǵa.
Jaýap berýdi jalǵastyrǵan Q.Bıshimbaev:
«Men taǵy da qaıtalap aıtamyn. Siz meni jek kórseńiz de. Meni qarǵasańyz da bolady. Jaratýshynyń aldynda taǵy da qaıtalap aıtamyn, sizderdiń bárińizdiń aldaryńyzda da jaýap berýge daıynmyn. Men áıelim Saltanatty qasaqana nemese sanaly, josparly túrde jasalǵan erekshe qatigezdikpen óltirý faktisin moıyndamaımyn. Men Saltanatty súıdim», - dep jaýap berdi.