Alǵan soqqydan jas sportshy Qanat Ahýnov tilge kelmedi.
Aqtaý qalasynda ótip jatqan MMA chempıonatynda 17 jasar jasóspirim qaıtys boldy, dep habarlaıdy almaty-akshamy.kz.
Boz kilem ústinde baq synasyp jatqany túsirilgen beınejazbalar áleýmettik jelide tarady. Vıdeodan qarsylasyn ishinen tepken kezi, soqqydan jasóspirimniń qulaǵan sátin kórýge bolady.
Aqtaý qalalyq polısıa basqarmasynyń baspasóz qyzmeti jelide taraǵan beınejazbaǵa qatysty túsinikteme berdi. Vedomstvo oqıǵaǵa qatysty sot medısınalyq saraptama taǵaıyndalǵanyn habarlady.
"Ekinshi raýndtaǵy jekpe-jek kezinde Ahýnov ishine tıgen soqqydan qaza tapty. Sot medısınalyq saraptama taǵaıyndaldy", - dep habarlady Aqtaý qalalyq polısıa basqarmasynyń baspasóz qyzmeti.
Sport kesheniniń medısına qyzmetkerleri jas jigitke kómektesýge tyrysqan. Alaıda, sportshyny qutqarý múmkin bolmady.