Ulytaý oblysynyń Qarajal qalasynda qaıtarylǵan 1,4 mlrd teńgege 80 oryndyq mektep salynady, dep habarlaıdy aqshamnews.kz
Jańa bilim oshaǵy «Vokzal» shaǵyn aýdanynda boı kóteredi. Bul aýdanda mektep tapshy bolǵandyqtan, oqýshylar qalanyń basqa aýdandaryndaǵy mektepterge qatynap oqýǵa májbúr. Jańa mektep oryn tapshylyǵyn azaıtyp, bilim sapasyn jaqsartýǵa yqpal etedi. Jalpy, Arnaýly memlekettik qordan 56,6 mlrd teńge áleýmettik nysandar salýǵa bólingen.
Bul qarajatqa: Atyraý, Jetisý, Túrkistan oblystarynda – mektepter,
Aqmola oblysynda – sport kesheni,
Rıdderde – kópsalaly aýrýhana,
Shymkentte – jataqhana,
Aqtóbe men Petropavlda – balabaqshalar salynady.
Sonymen qatar zańsyz shyǵarylǵan aktıvter esebinen Almatyda erekshe qajettilikteri bar adamdarǵa arnalǵan jattyǵý ortalyǵy, Arqalyqta daryndy sportshylarǵa arnalǵan keshen, Astanada tirek-qımyl apparaty buzylǵan balalarǵa arnalǵan ońaltý ortalyǵy boı kóteredi. 2024 jyly memleketke qaıtarylǵan aktıvter kólemi 300 mlrd teńgege jetken.
Onyń ishinde: Aýstrıadan – 36,8 mlrd,
Lıhtenshteınnen – 116,7 mlrd,
BAÁ-den – 6,3 mlrd,
Túrkıadan – 6,5 mlrd teńge qaıtarylǵan.