Aldaǵy jyldary AQSH-tyń ǵarysh aılaqtarynda keptelis bolýy múmkin.
Bul tujyrymdy The Wall Street Journal basylymy málimdedi, dep habarlaıdy aqshamnews.kz.
Byltyr AQSH ǵaryshqa 145 zymyran ushyrdy. Bul – buryn sońdy bolmaǵan rekordtyq kórsetkish. Amerıkalyq mıllıarder Ilon Masktyń SpaceX kompanıasy men NASA ǵaryshqa kóbirek jerserigi men júk jiberýge nıetti, dep habarlaıdy aqshamnews.kz.
Jalpy AQSH-ta 14 ǵarysh aılaǵy bar. Biraq kompanıalar 3 ǵarysh aılaǵyn jıi paıdalanady. Olardyń ekeýi Florıda, bireýi Kalıfornıa shtatynda. Alaıda olardyń ushý kestesi qazirdiń ózinde birneshe jylǵa tolyp qalǵan.
Djonatan Makdaýell, astrofızık (AQSH):
- Ǵaryshqa zymyran ushyrý byltyr kúrt kóbeıdi. 2024 jyly AQSH orbıtaǵa 145 zymyran ushyrdy. Bul 2017 jylǵy kórsetkishten 5 ese kóp. Mamandar munyń ózi kóp deıdi. Al keleshekte ushyrylatyn zymyran sany eselep artpaq. Onyń ishinde SpaceX-tiń qarqyny qatty.
Djordj Nıld, Commercial Space Technologies kompanıasynyń prezıdenti (AQSH):
- Qolaısyz kún raıy nemese ǵarysh aılaǵyndaǵy apat bizdiń jumysymyzdy aılap, tipti jyldap toqtatyp qoıýy múmkin. Bul úlken máselege aınalady. Óıtkeni búginde biz ǵaryshqa qatty táýeldimiz. Ǵarysh isin toqtatyp qoıý – qaýipti strategıa. Aláska shtatyna qarasty Kodák aralyndaǵy taǵy bir ǵarysh aılaǵy jylyna tek 3 zymyran ushyryp kelgen. Qazir sanyn 25-ke deıin kóbeıtýge árekettenip jatyr. Ol ońaı sharýa emes. Resmı ruqsat kerek. Osylaısha, AQSH keleshektegi keptelis máselesin qazirden sheshýge tyrysyp álek.