Sý resýrstary jáne ırrıgasıa mınıstrligi «Qazsýshar» RMK qyzmetin tekseredi.
Bul týraly mınıstrliktiń qurylymdyq bólimsheleri men kásiporyn basshylarynyń qatysýymen ótken keńeste Aýdıt departamentiniń dırektory Ǵalymjan Moldash málimdedi. Tekseris aqpan aıynyń sońyna josparlanǵan, dep habarlaıdy Almaty-akshamy.kz Cý resýrstary jáne ırrıgasıa mınıstrligine silteme jasap.
Sondaı-aq, tekseris aıasynda osyǵan deıin júrgizilgen aýdıtorlyq is-sharalar boıynsha Joǵary aýdıtorlyq palatanyń eskertýlerin joıý boıynsha jumys júrgiziledi.
Budan bólek, mınıstrlik memlekettik aýdıt obektileriniń bekitilgen tizbesine sáıkes «Nura toptyq sý qubyry» SHJQ RMK qyzmetin tekserýdi bastady.
«Aýdıttiń basty maqsaty – ashyqtyq, kásiporyn men sý salasyn qarjylyq saýyqtyrý. Joǵary aýdıtorlyq palata men Parlament depýtattary tarapynan suraqtar men eskertýler bar. Sondyqtan barlyq kemshilikter men buzýshylyqtardy joıý qajet», - dedi Ǵalymjan Moldash.