Afrıkadan kelgen zańsyz kelimsekterdiń kezekti legin qańtar aıynyń sońyna deıin jóneltý josparlanǵan.
Qazaqstan Respýblıkasynyń kóshi-qon zańnamasyn buzǵany úshin ustalǵan Afrıka qurlyǵy elderiniń 19 azamaty eline qaıtaryldy, dep habarlaıdy Almaty-akshamy.kz Polisia.kz-ke silteme jasap.
«Atalǵan sheteldikter bizdiń elde bolǵan kezinde halyqtyń kóshi-qony salasyndaǵy zańnamany buzǵan, atap aıtqanda, zańda belgilengen merzimde Qazaqstan Respýblıkasynyń aýmaǵynan shyqpaı, sot sheshimimen memleketimizden shyǵaryp jiberý túrinde ákimshilik jazaǵa tartyldy. Aıta ketý kerek, áýe tasymaly qala ákimdiginiń kómegimen uıymdastyryldy. Ol birneshe kezeńde ótedi», – dedi Almaty qalalyq PD kóshi-qon qyzmeti basqarmasynyń bastyǵy Asqat Býtýnchınov.