Almatyda jalaqysyna kóńili tolmaǵan «Qazposhta» bólimsheleri qyzmetkerleriniń jaǵdaıyna baılanysty mekeme basshysy brıfıń ótkizdi.
Onyń aıtýynsha, keler jyldan bastap óndiristik personaldyń jalaqysyn arttyrý kózdelip otyr. Sondaı-aq Dúnıejúzilik poshta kúnine oraı syıaqy beriletinin jetkizdi, dep habarlaıdy Almaty-akshamy.kz.
Qazirgi tańda eń tómengi jalaqy 90 myń teńge kóleminde. Kóp poshta bólimshesin jóndeý kerek. Alaıda oǵan qarajat jetkiliksiz, - deıdi jaýaptylar.
«Biz básekelestik naryǵynda eńbek etýdemiz. Laıyqty eńbekaqy berýge de qabilettimiz. Alaıda «Qazposhta» – áleýmettik joba. Biz memleket tarapynan qala men aýyl turǵyndary úshin áleýmettik mindettemelerdi iske asyrýdamyz. Kóp jaǵdaıda ekinshi deńgeıli bankter men kýrerlik qyzmetter aýyldarda joq», - dedi «Qazposhta» AQ basqarma tóraǵasy Serik Saýdabaev.