Májilistiń jalpy otyrysynda depýtat Erlan Saırov Ulttyq dombyra ortalyǵyn ashýǵa qatysty Mádenıet jáne sport mınıstri Dáýren Abaevtyń atyna saýal joldady, dep habarlaıdy Almaty-akshamy.kz QazAqparatqa silteme jasap.
AMANAT fraksıasynyń músheleri QR Premer-Mınıstri orynbasarynyń atyna Qazaqstanda Ulttyq dombyra ortalyǵyn ashý jóninde depýtattyq saýal joldaǵan. Elimizge resmı saparmen kelgen Rım Papasy Fransısktiń ózi dombyranyń álemdik rýhanı potensıaly jóninde atap ótti. Prezıdent Qasym-Jomart Toqaev Rım Papasyna qazaqtyń rýhanı ómiriniń sımvoly retinde dombyrany syıǵa tartty. Iaǵnı dombyrany memlekettik deńgeıde ulyqtap, halyqaralyq brend jasaý - ýaqyt talaby», - dedi E. Saırov.
Onyń paıymynsha, Ulttyq dombyra ortalyǵyn ashý - jahandaný zamanynda ultymyzdyń rýhanı kelbetin saqtap qalýdyń bir joly.
«Sondyqtan Dáýren Áskerbekulynyń (Mádenıet jáne sport mınıstri) atyna depýtattyq saýaldy qaıta joldap otyrmyz», - dedi depýtat.