Erteń elimizdiń kóp aımaǵynda kún sýytady.
«Qazgıdromet» RMK aýa raıynyń buzylýyna baılanysty birneshe óńirde eskertý jarıalady, dep habarlaıdy Almaty-akshamy.kz
17 qarashada kúndiz Qostanaı oblysynyń basym bóliginde qar, tuman, kóktaıǵaq, jaıaý burqasyn kútiledi. Ońtústik-batystan, batystan jel soǵady, kúshi oblystyń soltústik-batysynda 15-20 m/s jetedi.
Qaraǵandy oblysynyń ońtústiginde, shyǵysynda, ortalyǵynda, 18 qarashada basym bóliginde qar jaýady, burqasyn, kóktaıǵaq kútiledi. 17 qarashada oblystyń batysynda, soltústiginde tuman boljanady, kúndiz oblystyń ońtústiginde jeldiń ekpini 23-28 m/s, keı ýaqyttarda 30 m/s jáne odan joǵary kóteriledi. 19 qarashada aýa temperatýrasy túnde -17-22 tómendeıdi.
Shyǵys Qazaqstan oblysynyń ońtústiginde, soltústik-shyǵysynda kóbinese qar túrinde qatty jaýyn-shashyn kútiledi. Oblystyń batysynda, soltústiginde burqasyn, kóktaıǵaq bolady. Ońtústik-shyǵystan soǵatyn jel ońtústik-batysqa aýysyp, kúndiz ekpini 25 m/s jetedi. 18 qarashada qar jaýady, túnde oblystyń soltústiginde qar qatty jaýatyny kútiledi. Oblystyń ońtústiginde, soltústik-shyǵysynda burqasyn bolady. Jeldiń kúshi 23-28 m/s, keı ýaqyttarda 30 m/s jáne odan joǵary artady. 19 qarashada aýa temperatýrasy túnde -17-22, soltústik-shyǵysta -25, kúndiz -13-18, soltústik-shyǵysta -22 gradýs aıazǵa deıin kúrt tómendeıdi.
Aqtóbe oblysynda oblystyń soltústiginde jaıaý burqasyn, kóktaıǵaq kútiledi. Jeldiń jyldamdyǵy - 15-20 m/s.
Aqmola oblysynyń soltústiginde, batysynda tuman, jaıaý burqasyn kútiledi. Ońtústik-batystan jel soǵady, kúndiz oblystyń soltústik-batysynda kúshi 15-20 m/s artady.
Almaty qalasynda kúndiz qar jáne jańbyr túrinde jaýyn-shashyn bolady. Kúndiz 17 qarashada - táýlik boıy, 18 qarashada keı ýaqytta tuman, kóktaıǵaq boljanady.
Batys Qazaqstan oblysynyń soltústik-shyǵysynda tuman, kóktaıǵaq kútiledi.
Qyzylorda oblysynyń ortalyǵynda jáne shyǵysynda kóktaıǵaq, burqasyn bolady. Jeldiń ekpini - 15-20 m/s.
Soltústik Qazaqstan oblysynyń basym bóliginde qar kútiledi. Oblystyń soltústiginde, batysynda jaıaý burqasyn bolady. Oblystyń ońtústik-shyǵysynda túnde jáne tańerten tuman boljanady. Jeldiń jyldamdyǵy 25 m/s jetedi.
Pavlodar oblysynyń soltústiginde, batysynda tuman kútiledi.