Kartına QR Mádenıet jáne sport mınıstrliginiń tapsyrysy boıynsha Ulttyq kınony qoldaý memlekettik ortalyǵynyń qoldaýymen túsirilýde.
Búgin Almatyda «Sońǵy úkim» fılminiń túsirilimi bastaldy, dep habarlaıdy Almaty-akshamy.kz
Fılm qazaqtyń kórnekti aǵartýshysy, qoǵam qaıratkeri jáne saıası pýblısıs Ahmet Baıtursynovtyń 150 jyldyǵyna arnalǵan.
Kartınanyń sújeti Ahmet Baıtursynovtyń ómiriniń barlyq kezeńderin qamtıdy. Basty rólde – Qazaqstannyń eńbek sińirgen qaıratkeri Azamat Satybaldy.
«Bul ult ustazy Ahmet Baıtursynov týraly fılm. Onyń ómiri, qoǵamdaǵy isteri jáne eń bastysy, onyń kúresi týraly. Bul memlekettiń arnaıy tapsyrysymen túsirilip jatqan úlken joba. Baıtursynov – bizdiń maqtanyshymyz. Meniń oıymsha, bizdiń jas urpaq osyndaı fılmderdi kórýi tıis. Óıtkeni, Ahmet aǵanyń jasaǵan isteri, Alash Orda qaıratkerleriniń erligi – búgin kezdespeıtin batyldyq. Sondyqtan sol kezdegi oqıǵalardy zamanaýı kórermenge kórsetý kerek», - deıdi akter Azamat Satybaldy.
Senarı avtory – Ǵalym Dosken. Jyl sońyna deıin avtorlar 14 aýysymdy túsirýdi josparlap otyr. Fılmniń negizgi bóligi kelesi jyly túsiriledi.