Jol boıyndaǵy ınfraqurylym men qyzmet kórsetý salasy da damymaq
Úkimet «QazAvtoJol» Ulttyq kompanıasy» AQ-tyń 2023-2032 jyldarǵa arnalǵan damý josparyn bekitti. QR Premer-Mınıstri Álıhan Smaıylov tıisti qaýlyǵa qol qoıdy, dep habarlaıdy Almaty-akshamy.kz.
Úkimettiń baspasóz qyzmetiniń habarlaýynsha, aldaǵy 10 jylda kúre joldardy salý jáne kútip ustaý sapasyn arttyrý jóninde sharalar qabyldaý josparlanyp otyr. Olardyń qatarynda jol jobalarynyń barlyǵyna FIDIC halyqaralyq standarttaryn engizý, tehnıkalyq qujattamany kelisý prosesin jetildirý, jobalaý jáne merdigerlik uıymdardyń jaýapkershiligin arttyrý, avtomattandyrylǵan baqylaý júıelerin biryńǵaı IT-júıege ıntegrasıalaý, qajetti jol-paıdalaný tehnıkasy men jabdyqtaryn satyp alý jáne t. b. bar.
Nátıjesinde jaqsy jáne qanaǵattanarlyq jaǵdaıdaǵy respýblıkalyq mańyzy bar avtojoldardyń úlesin 100%-ǵa deıin jetkizý, sondaı-aq jergilikti joldardyń jaǵdaıyn jaqsartý úshin óńirlerdi tıisti jumyspen tolyq qamtýdy júzege asyrý josparlanýda.
Shyǵaryndylardy azaıtý jáne ekologıaǵa zıany joq kólikti paıdalanýdy yntalandyrý maqsatynda elektrmobılderdi qýattaý stansıalarynyń júıesi damıdy.
Sonymen qatar úzdik halyqaralyq standarttarǵa jaýap beretin jáne joǵary jyldamdyqpen júrýge ruqsat etilgen jańa aqyly ýchaskelerdi engizý jalǵasady. Bul rette kólik qozǵalysy neǵurlym kóp baǵyttarǵa basymdyq beriletin bolady. Sonymeg qatar bul, atap aıtqanda, Qytaıdan jáne Ortalyq Azıa elderinen Eýropaǵa júkterdi tasymaldaý boıynsha Qazaqstannyń tranzıttik múmkindikterin keńeıtýge múmkindik beredi.
Jol boıyndaǵy ınfraqurylym men qyzmet kórsetý salasy da damymaq. Bul baǵytta bıznes júrgizý úshin qolaıly jaǵdaı jasaý, ınvestorlardy tartý, qyzmet kórsetý jáne jańa obektiler (demalýǵa arnalǵan alańdar, modýldik úlgidegi abattandyrylǵan sanıtarlyq-gıgıenalyq toraptar jáne t.b.) salý kezinde halyqaralyq standarttardy engizý jóninde sharalar qabyldanatyn bolady.
Karavanıng jáne TIR-parkıng alańdaryn ornatýǵa, sondaı-aq ınklúzıvtilik, erekshe qajettilikteri bar adamdardyń suranystaryn qanaǵattandyrý, ana men balany qorǵaý máselelerine erekshe nazar aýdarý josparlanyp otyr.
«Memleket basshysynyń tapsyrmasyna sáıkes «QazAvtoJol» UK» AQ men «Qazaqavtojol» JSHS birlestigi boıynsha jumys jalǵasady, nátıjesinde respýblıkalyq mańyzy bar avtomobıl joldaryn basqarý jónindegi biryńǵaı avtojol kompanıasy qurylatyn bolady», - delingen habarlamada.