Byltyr sheteldik týrıser sany 2,8 esege ósti
Almaty máslıhaty qaladaǵy sheteldikter úshin týrısik jarna mólsherlemesin bekitti, dep habarlaıdy Almaty-akshamy.kz QazAqparatqa silteme jasap.
Almaty ákiminiń orynbasary Álisher Ábdiqadyrov óz baıandamasynda qalalardaǵy, aýdandardaǵy jataqhanalardy, qonaq úılerdi, jalǵa beriletin turǵyn úılerdi qospaǵanda, ornalastyrý oryndarynda bolǵan árbir táýlik úshin týrısik jarna alynatynyn jáne oǵan turý quny kirmeıtinin aıtty.
«Operatorlar (qonaq úıler) jarna alýdy júzege asyrady, olar sheteldikterdi alynatyn týrısik jarna týraly habardar etedi, esepke alady jáne jergilikti búdjetke aýdarady. QR búdjet kodeksine sáıkes sheteldikter úshin týrısik jarna memlekettik búdjetke salyqtyq emes túsimder bolyp tabylady»,- dedi ol.
Qala ákiminiń orynbasary sheteldikter úshin týrısik jarna mólsherlemelerin esepteý ótken kúntizbelik jyldyń statısıkalyq derekteri negizinde júrgiziletinin atap ótti.
«Ótken jyldyń uqsas kezeńimen salystyrǵanda sheteldik týrıser sany jıyrma paıyz jáne odan kóp bolǵan jaǵdaıda bolý qunynyń 5 (bes) paıyzy kóleminde mólsherleme qoldanylady. Ornalastyrý oryndarynda sheteldik týrıserdiń sany azaıǵan jaǵdaıda sheteldikter úshin týrısik jarna mólsherlemesiniń kólemi túzetiledi»,- dedi Álisher Ábdiqadyrov.
2021 jyldyń alty aıynda Almatyda qyzmet kórsetilgen sheteldik týrıser sany 54 myńnan asty. Byltyr sheteldik týrıser sany 2,8 esege, ıaǵnı ıaǵnı 97 myń adamǵa ósti.
«2023 jyly sheteldik týrıserdiń sany 400 myń adamnan asady dep boljanýda jáne týrısik jarnadan túsetin aqsha qarajatynyń boljamdy mólsheri – 2 mlrd 342 mln teńge. Týrısik jarnadan túsken qarajat jergilikti búdjetten týrızmdi damytýǵa baǵyttalatyn bolady»,- dedi ol.
Buǵan deıin 2023 jyldan bastap Almatyǵa kelgen sheteldikterden týrısik jarna alynatyny týraly jazǵan bolatynbyz.