Taraptar azamattyq avıasıa salasyndaǵy tyǵyz yntymaqtastyqty jalǵastyrýǵa kelisti.
BAÁ men Qazaqstan arasyndaǵy «ashyq aspan» rejımin 2027 jyldyń sońyna deıin uzartý týraly ýaǵdalastyqqa qol jetkizildi, dep habarlaıdy Almaty-akshamy.kz Azamattyq avıasıa komıtetiniń baspasóz qyzmetine silteme jasap.
Qazaqstan Respýblıkasy Prezıdentiniń Birikken Arab Ámirlikterine resmı issapary barysynda 2023 jylǵy 17 qańtarda QR Indýstrıa jáne ınfraqurylymdyq damý mınıstri M. Qarabaev pen ekonomıka mınıstri - BAÁ Azamattyq avıasıa bas basqarmasynyń tóraǵasy QR-da ushýlardy oryndaý kezinde «ashyq aspan» rejımin 2027 jyldyń sońyna deıin uzartý týraly ýaǵdalastyqqa qol jetkizdi.
Sondaı-aq, qol jetkizilgen ýaǵdalastyqtar sheńberinde BAÁ tarapynan jańa áýe tasymaldaýshylary taǵaıyndaldy (Wizz Air Abu Dhabi, Air Arabia Abu Dhabi).
Jalpy, taraptar azamattyq avıasıa salasyndaǵy tyǵyz yntymaqtastyqty jalǵastyrýǵa kelisti.
Áýe tasymaly salasyndaǵy quqyqtardy keńeıtý QR men BAÁ arasyndaǵy saýda - ekonomıkalyq, iskerlik jáne týrısik yntymaqtastyqty odan ári damytýǵa yqpal etetinin atap ótý mańyzdy.