Bul týraly Indýstrıa jáne ınfraqurylymdyq damý mınıstrligi (IIDM) habarlady.
Indýstrıa jáne ınfraqurylymdyq damý mınıstrligi eki jol operatoryn biriktirý boıynsha Úkimet qaýlysynyń jobasyn daıyndady, dep habarlaıdy Almaty-akshamy.kz.
Jobada «QazAvtoJol» Ulttyq kompanıasy «Kazahavtodor» JSHS-daǵy memlekettik úlesti satyp alý jolymen ulttyq kompanıany Biryńǵaı avtojol operatory retinde qaıta qurý qarastyrylǵan.
«Osylaısha, qazirgi ýaqytta «QazAvtoJol» jáne «Kazahavtodor» biryńǵaı jol kompanıasyna biriktirildi. Qolǵa alynǵan sharalar respýblıkalyq mańyzy bar joldardy táýlik boıy kútip ustaýdy qamtamasyz etýde jedel ári naqty sheshim qabyldaýǵa úlken septigin tıgizbek», delingen habarlamada.
Eske sala keteıik, bıyl shildede Memleket basshysy Qasym-Jomart Toqaev Úkimettiń keńeıtilgen otyrysynda «QazAvtoJol» men «Kazahavtodordy» biriktirip, birtutas avtojol kompanıasyn qurýdy tapsyrǵan bolatyn.