Oqýshylar endi 173 kún oqıdy.
Bul týraly Oqý-aǵartý birinshi vıse-mınıstri Sholpan Karınova aıtty, dep habarlaıdy Almaty-akshamy.kz QazAqparatqa silteme jasap.
«Jańa oqý jylynda elimizde 7 myńnan asa mektep jumys isteıtin bolady. Olarǵa jalpy sany 3,6 mln bala keledi jáne oqýshylarǵa 384 myńnan astam pedagog sabaq beredi. Dástúr boıynsha, 1 qyrkúıekte respýblıkanyń barlyq mektebinde Bilim kúnine arnalǵan saltanatty is-sharalar, sondaı-aq «Tereń bilim, eńbekqorlyq jáne otanshyldyq qasıet» taqyrybynda synyp saǵaty ótedi», - dedi ol Ortalyq komýnıkasıalar qyzmetindegi baspasóz máslıhatynda.
Onyń aıtýynsha, saltanatty sharany ótkizý formatyn, qatysýshylar quramyn bilim berý uıymdary ózderi aıqyndaıdy.
«Oqý jyly 1 qyrkúıekte bastalyp, 31 mamyrǵa deıin, ıaǵnı 36 aptaǵa sozylady. Jazdyń alǵashqy kúninen bastap oqýshylar dástúrli túrde jazǵy demalysqa shyǵady. Tıisinshe, jazdyń 3 aıynda balalar tolyǵymen demalady. Jalpy, bir oqý jylynda balalar 4 ret demalady. Bul jerde eshqandaı ózgeris joq. Jazǵy demalys kúnderin qosqanda balalar jalpy 192 kún demalady, al 173 kún oqıdy. Oqý jylynyń 36 apta bolýyna baılanysty, úsh aýysymdy mektepterdi qospaǵanda, 7 myńnan astam mektep jańa oqý jylynda bes kúndik oqytý rejımine kóshedi. Bul mektepterde 3,4 mln bala jáne 300 myńnan astam pedagog bar», - dedi Sholpan Karınova.