Májıt Sháripov 4 shildesinen bastap óz erkimen ketedi.
Májıt Sháripov «Qazatomónerkásip» ulttyq atom kompanıasy» AQ Basqarma tóraǵasy - Dırektorlar keńesiniń múshesi qyzmetinen 2022 jyldyń 4 shildesinen bastap óz erkimen ketetini týraly aıtty. Bul týraly aqparat atalmysh kompanıanyń saıtynda jarıalanǵan, dep habarlaıdy Almaty-akshamy.kz.
Kompanıanyń Dırektorlar keńesi "Qazatomónerkásip" Basqarma tóraǵasy qyzmetine kandıdatýrany irikteý kezeńinde óndiris jónindegi bas dırektor Erjan Muqanov Basqarma tóraǵasynyń mindetin atqaratyn bolady.
«Qazatomónerkásiptiń Dırektorlar keńesiniń táýelsiz músheleri Sháripov myrzanyń bul sheshimin qurmetteıdi jáne «Samuryq-Qazyna» AQ majorıtarlyq aksıonerimen birlesip, Basqarma tóraǵasy laýazymyna laıyqty kandıdatty irikteý úshin bar kúsh-jigerin salady», - delingen saıttaǵy habarlamada.