Sáýle Omarova AQSH Qarjy mınıstrligi janyndaǵy Valútany baqylaý basqarmasynyń basshysy laýazymyn ıelenýi múmkin.

New York Times basylymynyń málimetinshe, Sáýle Omarovanyń kandıdatýrasyn Senat maquldasa, qazaq qyzy bes jyl qyzmet etip, Wall Street-tiń iri bankterimen jaqyn qarym-qatynas ornatýǵa múmkindik alady, dep habarlaıdy Almaty-akshamy.kz 

Valútalyq baqylaýshy AQSH-taǵy jergilikti jáne sheteldik bankterdiń qyzmetin baqylaıdy. Oǵan deıin bul laýazymǵa qarastyrylǵan 2 kandıdattan Aq úı bas tartqan.
Amerıkalyq basylymnyń jazýynsha, Omarova ózge úmitkerlerge qaraǵanda qarjy ındýstrıasynda asa tanymal emes, biraq demokrattar úshin ol ońtaıly ári mańyzdy kandıdat. Sebebi ony laýazymdy qyzmetke taǵaıyndaý prezıdent Baıdenniń násildik jáne ekonomıkalyq teńdik qalyptastyrý múddesin qanaǵattandyrady.

Sáýle Omarova – Qazaqstannyń týmasy, qarjy sektoryn retteýge jáne qarjy men ekonomıkaǵa mamandandyrylǵan zań profesory jáne Nú-Iork advokattar alqasynyń múshesi.

1989 jyly Máskeý memlekettik ýnıversıtetin, 1999 jyly Wisconsin ýnıversıtetin bitirp, 2001 jyly Northwestern ýnıversıtetiniń zań fakúltetinde zań ǵylymdarynyń doktory atanǵan. Qazir Kornell ýnıversıtetiniń profesory.

Ol Djordj Býshtyń janyndaǵy AQSH Qarjy mınıstrligindegi retteýshi saıasat jónindegi arnaıy keńesshi bolǵan, oǵan deıin bes jyl Davis Polk & Wardwell zań fırmasynda jumys istegen.