Rafık MIRZOEV, Qazaqstannyń eńbek sińirgen qaıratkeri, «Qurmet» ordeniniń ıegeri:
Bizdiń Qazaqstan 130-dan astam etnosty bir qushaǵyna syıǵyzyp, beıbit aspannyń, bir týdyń astyna biriktirip, jaıly ómir syılap otyr. Qanshama ulys ókili ómir súrip jatsa da, elimizde tynyshtyq, tatýlyq, dostyq saltanat quryp turǵanyn maqtanyshpen aıta alatynymyzdyń ózi úlken mártebe.
Búginde qaı etnos bolsyn, bári de elimizde qalaǵan jumysymen aınalysyp, óz tilin, mádenıetin, salt-dástúrin saqtap, órkendete alady. Qushaǵy ystyq, peıili keń qazaq eli eshkimdi keýdesinen ıtermek emes. Sebebi, bul – bizdiń babamyzdyń qanymen kele jatqan iri qasıet. Sondyqtan bizdi meken etip jatqan basqa etnos ókilderiniń ósip, ónip, kóktep otyrǵan jerine alǵys bildirýi oryndy.
Iá, búgin – Alǵys aıtý kúni. Qazaq jerine árdaıym ystyq yqylasyn bildirýden tartynbaıtyn jany izgi jandardyń qatarynda almatylyq otandasymyz, «Barbang» kúrdter respýblıkalyq qaýymdastyǵynyń basqarma múshesi, «Knáz Ibragımovıch Mırzoev qorynyń» tóraǵasy, «Nýbar» ádebı- kórkem jýrnalynyń redaksıalyq alqa múshesi, kásipker, qoǵam qaıratkeri Rafık Iakýb ogly Mırzoev ta bar. Ol birneshe tildi meńgergen. Bastysy, qazaq tiline jetik.
Sondaı-aq, ol kópmádenıetti, kópetno sty memleketimizdegi konfe ssıaaralyq jáne etnosaralyq kelisimdi nyǵaıtý jolynda únemi azamattyq ustanymyn bildirip, megapolıste ótetin mádenı-rýhanı keshterdiń, qaıyrymdyly q is-sharalardyń bel ortasynan tabylyp júredi.
– Men qazaqtyń kúrd balasymyn. Men baqyttymyn! Qazaqstan halqynyń, qazaq aǵaıyndardyń ortasynda ómir súrip, osy elden óz ornymdy tapqanyma rızamyn. Maǵan ǵana emes, talaı etnosqa qutty qonys, jyly uıa bolyp otyr. Bárimiz beıbit tańmen talasa turyp, óz tirligimizben alańsyz aınalysyp, keshke shańyraǵymyzǵa aman-esen oralýdyń ózi bir baqyt. Al eshkimmen arazdaspaı, jaıly, tolyqqandy ómir súrý – myń baqyt. Osynaý tynysh ómirdiń arqasynda Qazaqstan ósý, órkendeý jolynan taımaq emes. Men kóktemniń alǵashqy kúnin ózimen birge ala keletin aıtýly merekede Qazaq eline, otandastaryma, aǵaıyn-týys, dos-jaranyma, barsha úlken-kishige alǵys aıtamyn. Jańa Qazaqstannyń irgesin birge qalaımyz degim keledi, – deıdi R.Mırzoev.