Artýsh KARAPETÁN, mesenat, respýblıkalyq «Naırı» armán mádenı ortalyqtary qaýymdastyǵy» zańdy tulǵalar birlestiginiń qurmetti tóraǵasy:
Búgin – erekshe kún! Kóktemniń alǵashqy kúnimen ilese kelgen Alǵys aıtý kúni! Tańerteń oıana salyp, birinshi otbasyma alǵysymdy bildirdim. Olardyń árkez janyma jalaý bolyp júrgeni úshin baqyttymyn. Sosyn jumys ornyma kelip, qanattasa eńbek etip júrgen áriptesterime rahmet aıttym. Búkil qazaqstandyqqa, Qazaq eline rahmet aıtamyn. Osy topyraqta týyp, osy jerde ósip-óndim. Meniń barlyq jetistik, tabysyma shynaıy qýana bilgen otandastaryma árkez tilekshimin. Ózim de Táýelsiz Qazaqstannyń damýyna, gúldenýine úles qosyp júrgenimdi maqtan etemin. Otandyq ónimdi árkez qoldaýǵa ázirmin.
"Rahmet" sózi júrekterdi jylylyqqa, nurǵa toltyrady. Sol shabytpen, sol kóńilmen siz baryp taǵy birneshe adamdy kýantasyz. Bul degen jaqsy ǵoı. Bir-birimizdi árdaıym qýantyp júreıik. Sonda jetistik ataýlynyń bári ózi-aq janymyzdan tabylady.
