Ekologıaǵa keltirgen zalaly úshin salynǵan 5 mlrd dollar aıyppuldy zańsyz dep, sotqa shaǵynyp júrgen NKOK kompanıasyna qatysty úkim shyqty.
Endi kompanıa 5 mıllıard dollar aıyppuldy tóleýge májbúr. Biraq NKOK buǵan deıin halyqaralyq arbıtraj sotyna júginemiz degen aqparat taratqan bolatyn. Astanada apelásıalyq sot alqasy Atyraý oblystyq ekologıa departamenti qyzmetkerleriniń Qashaǵanda júrgizgen tekseris nátıjesin zańdy dep tanydy.
«Astana qalasy mamandyrylǵan aýdanaralyq ákimshilik sotynyń 2023 jyldyń 14-maýsymyndaǵy sheshimi ózgertilsin. 3, 6, 9 tarmaqtarda kórsetilgen uıǵarym joıylyp, zańsyz dep tanylsyn. Jańa sheshim shyǵarylsyn, – delingen sot alqasynyń sheshiminde.
Sot alqasy Qashaǵan ken ornyn ıgerip otyrǵan operatordyń ekologıalyq talapty oryndamaǵanyn, saraptamany aldyn ala ótkizbeı, óndiristik proseske ózgeris engizgenin anyqtaǵan. Buǵan qosa, «ken ornynda kúkirtti ruqsat etilgen mólsherden kóp saqtady» degen ekologtardyń qorytyndysyn zańdy dep tanydy.