Otandyq týrızm ındýstrıasynyń ókilderi 7-9 naýryz aralyǵynda Germanıa astanasynda ótken ITB Berlin Halyqaralyq týrısik kórmesine qatysty.
«Kazakh Tourism UK» AQ uıymdastyrǵan stend qonaqtardyń erekshe nazary men qyzyǵýshylyǵyna bólendi. Kórmeni tamashalaýǵa kelgen qonaqtarǵa otandyq qolóner sheberleri men sýretshilerdiń tabıǵı materıaldardan jasalǵan áshekeılerimen bezendirilgen qazaqtyń kıiz úıi erekshe unady, dep habarlaıdy Almaty-akshamy.kz Egemen.kz-ke silteme jasap.
Zamanaýı ulttyq taǵamdarymyz da kelýshilerdiń kóńilinen shyqty. Qazaqstandyq delegasıanyń basym bóligin otandyq týrbıznes mamandary qurady. Berlındegi kórmege qazaqstandyq týrısik kompanıalar men qonaqúılerdiń 30 ókili qatysty.
«Bul kórmede bizdiń týrbıznes ókilderi bolashaq seriktestermen iskerlik baılanys ornatady. Bizdiń stend kelýshiler tarapynan Qazaqstanǵa úlken qyzyǵýshylyq týdyrdy. Sonymen qatar Kazakh Tourism elimizge nemis týrıserin tartý baǵytynda eń iri halyqaralyq týrısik birlestikterdiń biri - PATA óńirlik ókildigimen tyǵyz jumys isteýdi josparlap otyr», dedi «Kazakh Tourism UK» AQ Basqarma tóraǵasy Talǵat Amanbaev.
Aıta keteıik, ITB Berlin - týrızm salasyndaǵy uıymdar úshin álemdegi eń iri B2B kórme