Oqýshylardyń sabaqta telefon ustaýy Oqý-aǵartý mınıstriniń buıryǵymen shektelmek. Qazirgi tańda bul máseleni zańdyq turǵyda retteıtin eshqandaı qujat joq.
Oqý-aǵartý mınıstri oqýshylardyń sabaqta telefon ustaýyn shekteıtin buıryq shyǵarmaq. Buıryq jobasy Ashyq NQA portalynda jarıalandy. Buıryq jobasynda orta bilim berý uıymdary qyzmetiniń úlgilik qaǵıdalaryn balalardyń ómiri men densaýlyǵy úshin pedagogter men ata-analardyń jaýapkershiligin júkteý týraly tarmaqtarmen tolyqtyrý kózdelgen.
«Muǵalimniń sheshimi boıynsha sabaqta olardy qoldaný qajettiligin esepke almaǵanda, bilim alýshylar men pedagogtar sabaqtarda mobıldi baılanys quraldaryn paıdalanbaıdy», – dep jazylǵan jobada.
Sonymen qatar, qujatta bilim berý uıymynan tys bolǵan kezde oqýshynyń ómiri men qaýipsizdigi úshin ata-analary nemese ózge de zańdy ókilderi jaýapty bolatyny jazylǵan. Iaǵnı, sabaqqa deıin, sabaqtan keıin, demalys ýaqytynda balalarǵa qatysty jaýapkershilik ata-analarǵa nemese zańdy ókilderge júkteledi. Bul balanyń ómiri men qaýipsizdigi úshin mekteptiń jaýapkershiliginiń shekarasyn anyqtaý maqsatynda engizilgeli otyr. Sondaı-aq, qujat jobasyna sáıkes, teris qylyqtar jasaǵan, mekteptiń ishki tártip qaǵıdalary talaptaryn buzǵan oqýshyny sabaqtardan shettetýge, sondaı-aq ata-anasynyń nemese ózge de zańdy ókilderiniń qasynda erip júrýinsiz bilim berý uıymynan shyǵarýǵa jol berilmeıdi. Bilim berý uıymy qajet bolǵan jaǵdaıda ata-analardy nemese ózge de zańdy ókilderdi mektepke shaqyryp, bolǵan jaǵdaı týraly habardar etedi jáne tıisti sharalar qabyldaıdy.