Eksport kólemin ulǵaıtý, jańa kelisimsharttar jasaý jáne seriktestik ornatý.
Osy maqsatta Grýzıanyń Tbılısı qalasyna Qazaqstannyń saýda mısıasy keldi, dep habarlaıdy Almaty-akshamy.kz
Bıznes-forýmǵa elimizdiń atynan makaron, kondıterlik ónimder, tuz jáne basqa da ónimderdi eksporttaıtyn jıyrmadan astam kompanıa qatysty. Búgingi tańda kásipkerler úshin eki memlekettiń tranzıttik múmkindikteri Eýropa elderiniń naryǵyna shyǵýǵa kópir bolyp tur.
«Bizde qazaqstandyq seriktestermen naqty sheshimge kelip, kelisim-sharttar jasaýǵa múmkindik bar. Ázirge naqty qandaı somaǵa kelisimshart jasasqanymyzdy aıta almaımyn. Degenmen, keıbir iri kompanıalarmen kelisimder jasaldy. Bolashaqta kompanıalar úshin de, bizdiń elder úshin de bári jaqsy bolady dep senemiz», - deıdi «Orı Nabıdjı» kompanıasynyń ımport boıynsha menedjeri Erekle Kandelakı.
«Búgin jalpy quny 11,2 mıllıon dollar bolatyn bes kelisimshartqa qol qoıyldy. Ótken jyly eksporttyń jalpy kólemi 25 mıllıon dollardy quraǵanyn eskersek, búgingi shara eksporttyq kelisimsharttarymyzdyń teń jartysyn japty. Bıyl Grýzıamen taýar aınalymyn eki esege ulǵaıtatynymyzǵa senimdimin»,- deıdi QazTrade bas dırektory Azamat Asqaruly.