Bul Qarýly kúshter sapyndaǵy maqsaty aıqyn, qyzmette tabysty jáne sulý qyz-kelinshekterdiń festıvali áskerı mamandyqty meńgerip, kásibı turǵyda tanylǵandardyń alańy bolmaq, dep habarlaıdy aqshamnews.kz.
8-shi naýryz – Halyqaralyq áıelder kúni qarsańynda ótetin fotobaıqaý áskerı qyzmettiń bedelin arttyrýǵa jáne qoǵamnyń nazaryn ásker qatarynda júrgen áıelderdiń róline aýdarýǵa baǵyttalǵan. Qatysýshylar týraly aqparat QR Qorǵanys mınıstrliginiń Instagram áleýmettik jelisindegi resmı akkaýntynda jarıalanǵan.
Fotobaıqaýǵa Qarýly kúshter túrlerinen, ásker tekterinen jáne óńirlik qolbasshylyqtardan, sondaı-aq Qorǵanys mınıstrligi men Bas shtabtyń qurylymdyq bólimshelerinen 36 áskerı arý qatysýda.
Qatysýshylardy baǵalaý 2025 jyldyń 28 aqpany men 5 naýryzy aralyǵynda Qorǵanys mınıstrliginiń Instagram resmı paraqshasynda daýys berý arqyly ótedi. Eń kóp daýys (laık) jınaǵan qatysýshy jeńimpaz atanady.
Baıqaý qorytyndysyn shyǵarý jáne jeńimpazdardy marapattaý Astanada ótedi.