QR Eńbek jáne halyqty áleýmettik qorǵaý vıse-mınıstri Asqar Bıahmetov QR Prezıdenti janyndaǵy Ortalyq komýnıkasıalar qyzmetiniń alańynda ótken baspasóz máslıhatynda jumyspen qamtýǵa járdemdesý sharalaryn iske asyrý týraly aıtty.
2024 jyldyń qorytyndysy boıynsha Qazaqstanda 979 myń azamat jumysqa ornalastyryldy, dep habarlaıdy aqshamnews.kz.
Asqar Bıahmetov QR Eńbek jáne halyqty áleýmettik qorǵaý mınıstrligi qyzmetiniń negizgi baǵyttarynyń biri azamattardy sapaly jumys oryndarymen qamtamasyz etý bolyp tabylatynyn atap ótti. Eńbek naryǵyn damytýdyń 2030 jylǵa deıingi tujyrymdamasynda 2029 jylǵa qaraı sapaly jumys oryndarynyń sanyn 3,8 mln birlikke deıin ulǵaıtý kózdeledi. 2024 jyldyń qorytyndysy boıynsha 2,5 mln-ǵa jetti.
«2024 jyldyń qorytyndysy boıynsha Qazaqstanda 979 myń azamat jumyspen qamtyldy, onyń 714 myńy turaqty jumys oryndaryna ornalastyryldy. Ulttyq jobalar men salalyq tujyrymdamalar aıasynda 65 myńǵa jýyq azamat jumysqa ornalastyryldy. Memleket basshysynyń «10 myń turǵynǵa shaqqanda 100 jumys orny» bastamasy aıasynda – 314 myńnan astam adam, jumys berýshiler usynǵan bos jumys oryndaryna – 359 myń adam jáne taǵy 241 myńnan astam adam jumyspen qamtýǵa járdemdesýdiń belsendi sharalary aıasynda jumysqa ornalasty», – dedi vıse-mınıstr.
Sondaı-aq Asqar Bıahmetov aı saıyn Eńbekmıniniń aqparattyq júıeleri arqyly jumysqa ornalasqandardyń mindetti zeınetaqy jarnalarynyń bar-joǵyn tekserý jáne olarmen elektrondyq eńbek sharttaryn jasasý arqyly jumysqa ornalasýǵa monıtorıń júzege asyrylatynyn aıtty.
Jumys oryndaryn qurý monıtorıńiniń nátıjeleri boıynsha zeınetaqy jarnalary jumysqa ornalastyrylǵandardyń jalpy sanynyń 85%-na túskeni, shamamen 60%-da elektrondyq eńbek sharttarynyń bolǵany anyqtaldy.
2024 jyly jumyspen qamtýǵa járdemdesýdiń belsendi sharalaryna 325 myń azamat tartyldy.
67,5 myń adam úshin qysqa merzimdi kásiptik oqytý kýrstary uıymdastyryldy, onyń ishinde: bilim berý uıymdarynda – 7,8 myń adam, jumys berýshide – 1,9 myń adam, Skills Enbek platformasynda onlaın-oqytýmen 57,7 myń adam qamtyldy. Oqýdan keıin barlyǵy 14,6 myń adam jumysqa ornalastyryldy.
«Onlaın kýrstardan ótken azamattardyń jalpy sanynyń 52 myńnan astamy nemese 91%-y oqýdy sátti aıaqtap, tıisti sertıfıkattar aldy.
Búginde Skills Enbek-te jańa daǵdylardy ıgerýge nemese biliktiligin arttyrýǵa nıet bildiretin kez kelgen azamat úshin 858 kýrs bar, onyń ishinde 311-i tegin. Osy jyly VR jáne AR-tehnologıalardy paıdalana otyryp, jańa praktıkalyq kýrstar da qoljetimdi bolady», – dedi Asqar Bıahmetov.
«Bastaý Bıznes» jobasy boıynsha kásipkerlik negizderin oqytýmen 60 myń adam qamtyldy.
Sýbsıdıalanatyn jumys oryndaryna 188 myńnan astam adam jumysqa ornalastyryldy, onyń ishinde: qoǵamdyq jumystarǵa – 110 myń adam, áleýmettik jumys oryndaryna – 15,5 myń adam, jastar praktıkasyna – 33 myń adam, «Alǵashqy jumys orny» jobalary sheńberinde – 9,6 myń adam, «Urpaqtar kelisimsharty» – 420 adam, «Kúmis jas» – 19,1 myń adam.
Jumyspen qamtýǵa járdemdesý jónindegi sharalardyń taǵy bir baǵyty azamattardyń kásipkerlik bastamalaryn qoldaý úshin halyqtyń áleýmettik osal sanattaryna memlekettik granttar berý bolyp tabylady.
«2024 jyly granttar eki aǵynmen berildi, josparlanǵan 9 myń adamnyń 8 941-i qamtyldy. Bul rette grant alýshylardyń 64%-dan astamy aýyldyq jerlerdiń turǵyndary bolyp tabylady», – dep tolyqtyrdy Asqar Bıahmetov.
Grant alýshylardyń negizgi úlesi tehnologıalyq jabdyqty satyp alýǵa aqshalaı qarajatty paıdalandy (44%), munda qatysýshylardyń eń kóp sany Túrkistan (923 adam) jáne Qyzylorda (602 adam) oblystarynda, sondaı-aq Almaty qalasynda (211 adam) baıqaldy.
«Grantqa ótinish bergen kezde úmitker mindetti túrde bıznes-jobany iske asyrý nátıjeleri boıynsha jumys oryndaryn qurýdyń josparly kórsetkishin kórsetedi. Osylaısha, grant alǵan tulǵalar ózderin jumyspen qamtamasyz ete otyryp, qosymsha 3 myńnan astam turaqty jumys ornyn qurdy. Jumys oryndarynyń kóbi Jambyl (941 birlik), Qyzylorda (920 birlik) jáne Túrkistan (482 birlik) oblystarynda quryldy», – dep atap ótti vıse-mınıstr.
Ol sondaı-aq halyqty jumyspen qamtý salasynda iske asyrylǵan sıfrlyq jobalar týraly egjeı-tegjeıli aıtty.
Eńbekmıni «Jobalardyń ınovasıalyq navıgatory» platformasyn qurdy, ol kadrlarǵa qajettilikti taldaý men boljaýdy jáne barlyq iske asyrylatyn jobalardyń tıimdiligine ýaqtyly monıtorıńti qamtamasyz etedi. Qazirgi ýaqytta júıede 168 myń jumys ornyn qurý josparymen 906 ınvestısıalyq joba boıynsha monıtorıń júrgizilýde.
Oqýshylarǵa bolashaq kásipti tańdaýǵa múmkindik beretin «Mansap kompasy» platformasy engizildi. Platformada suranysqa ıe 400-den astam kásip týraly aqparat bar.
«TjKB jáne JOO stýdentteri úshin Elektrondyq eńbek bırjasynda óndiristik praktıkadan ótý ornyn tańdaýǵa múmkindik beretin fýnksıonal iske asyryldy. Stýdentter naqty daǵdylardy ıgerip qana qoımaı, keıin praktıkadan ótken kásiporynda jumys qarastyra alady. Búginde 610 jumys berýshi praktıkadan ótý úshin 3,8 myń bos oryn ornalastyrdy, 130 TjKB uıymdary tartyldy, stýdentterden 15 myń saýalnama alyndy», – dedi Asqar Bıahmetov.
Budan basqa, brıfıń barysynda vıse-mınıstr Memleket basshysynyń Jumysshy mamandyqtary jylyn ótkizý jónindegi tapsyrmalaryn oryndaý maqsatynda 2025 jylǵa josparlanǵan is-sharalar kesheni týraly aıtyp berdi.
«Aldaǵy 6 jylda kadrlarǵa jıyntyq suranys 1,6 mln adam sanynda baǵalanady, onyń ishinde kásiptik-tehnıkalyq bilimi bar qyzmetkerlerge shamamen 900 myń jáne jumysshy mamandyqtary bar mamandarǵa 400 myńnan astam. Jumysshy kadrlar qurylys, aýyl sharýashylyǵy, óńdeý ónerkásibi jáne densaýlyq saqtaý salalarynda suranysqa ıe. Bul salalarda jumysshy mamandyqtarǵa suranys 56%-dy quraıdy», – dedi Asqar Bıahmetov.
Ortalyq memlekettik organdar men ákimdikter jumysshy kásipter jylyn ótkizý sheńberinde is-sharalar josparyn iske asyrý boıynsha birlesken jumysty bastady. Memlekettik organdardyń salalyq josparlary jańa kásiporyndar ashý jáne jańa jumys oryndaryn qurý (turaqty jáne ýaqytsha) boıynsha negizgi kórsetkishterdi qamtıdy.
«Jastar praktıkasy» jobasy aıasynda jas mamandardy daıarlaý úshin keminde 35 myń tálimgerdi tartý, sondaı-aq tálimgermen jumys ornynda kásiptik oqytý josparlanǵan. Jumys berýshide jumyssyzdardy jumys oryndarynda uzaqtyǵy 6 aıdan aspaıtyn kásiptik oqytý uıymdastyrylady.
Osy jyly 100 kásiptik standart ázirlenip, jańartylatyn bolady. Biliktilikti tanýdy baǵalaý 4 táýelsiz ortalyqtyń bazasynda bastaldy, taǵy 5-inshi ortalyqty ashý josparlanýda, onyń ishinde halyqaralyq standarttar boıynsha 2 ortalyq bolady.
«Jyl ishinde keminde 500 myń oqýshy men TjKB stýdentteri «Elektrondyq eńbek bırjasy» biryńǵaı sıfrlyq platformasyn paıdalana otyryp, jumys izdeý jáne jumysqa ornalastyrý daǵdylaryna oqytýmen qamtylatyn bolady. TjKB-nyń úzdik 1 myń túlegin eldiń jetekshi kompanıalaryna jumysqa ornalastyrý josparlanǵan. «Mansap kompasy» platformasynyń bazasynda
100 myń adamdy qamtı otyryp, kásiptik baǵdar berý jumystary júrgiziletin bolady.Joǵaryda atalǵan sharalardy qabyldaý kiristerdi arttyrýǵa, iskerlik belsendilikti jandandyrýǵa, halyqtyń áleýmettik ál-aýqatyn jaqsartýǵa múmkindik beredi», – dep túıindedi vıse-mınıstr.