Tek Ulybrıtanıaǵa ese jiberip qoıdy.
Qazaqstannyń jalǵyz quramasy para-hokkeıden (sledj-hokkeı) S pýlyndaǵy álem chempıonatynda ekinshi orynǵa ıe boldy, dep habarlaıdy Almaty-akshamy.kz QazAqparatqa silteme jasap.
Týrnırge Qazaqstan, Taıland, Avstrıa, Ulybrıtanıa jáne Fransıa komandalary qatysty.
Otandyq parasportshylar úshin bul joǵary halyqaralyq deńgeıdegi alǵashqy jarys. Debúttik týrnırde sportshylar tórt machta úsh ret jeńiske jetti (7:0, 10:0 jáne 9:2) jáne týrnır kestesinde ekinshi orynǵa taban tiredi. Tek Ulybrıtanıaǵa (0:6) ese jiberip qoıdy.
Paralımpıada oıyndarynyń chempıonatyn uıymdastyrýshylar qazaqstandyq quramanyń oıynyna tánti bolyp, 2-oryn alǵanyna qaramastan, 2023 jyly V tobynda ótetin kelesi chempıonatta óner kórsetýine joldama berdi.
«Qazaqstan halqyna» qoǵamdyq qorynyń qaıyrymdylyq jobasy aıasynda qazaqstandyq quramaǵa para-hokkeıden halyqaralyq jarystarǵa daıyndalýy jáne qatysýy úshin sporttyq múkámmal satyp alyp berdi. Joba Qazaqstan Respýblıkasynda paralımpıadalyq hokeıdi damytýǵa jáne qoldaýǵa baǵyttalǵan.
Álem chempıonatynda parasportshylar Qor tabys etken 50 dana syrǵytpa taıaqpen óner kórsetti. Sondaı-aq, quramaǵa 16 shana jetkiziledi dep kútilýde. Bul maqsatqa «Qazaqstan halqyna» qory 12,4 mıllıon teńge baǵyttady.
«Parahokkeı federasıasy 2021 jyly quryldy. Bastamashylar múmkindigi shekteýli, tirek-qımyl apparaty buzylǵan azamattar. Maqsatymyz – aıaq ampýtasıasy nemese kez kelgen basqa dıagnozy bar, qıyn ómirlik jaǵdaıǵa tap bolǵan adamdarǵa kómektesý. Mysaly, sportshylar arasynda aıaǵynan aıyrylǵan kásibı fýtbolshylar bar. Para-hokkeıge kelip, jańa ómirdi bastap, úmitke qol jetkizdi deýge bolady. Komandamyzda 18 adam, sonyń ishinde bir qyz jáne eki jattyqtyrýshy bar. Eń jasy 17-de, úlkeni 57 jasta. Qorjynymyzda jeńisterimiz de bar», - dedi Astana qalasy para-hokkeı federasıasynyń basshysy Qaırat Sabyrov.
Buǵan deıin parasportshylar túrli jarystarǵa qatysyp, jetistikterge qol jetkizgen. Bıyl qurama Ombyda ótken «Sibir Kýbogy» halyqaralyq týrnırinde kúmis, Hanty-Mansııskidegi «Birgemiz. Sport» paralımpıadashylardyń Qysqy oıyndarynda qola medal jeńip aldy.
Ótken jyly Sochıdegi «KHL Kontınent Kýbogy» hokeıden halyqaralyq týrnırde tórtinshi oryndy ıemdendi. Qalypty qyzmet merzimi nebári 5 jyl bolsa da, bul jarystarda 2017 jyly satyp alynǵan múkámmal qoldanylyp keldi. Sondyqtan, Astana qalasynyń para-hokkeı federasıasy «Qazaqstan halqyna» qoryna júginip, múmkindigi shekteýli jandarǵa qoldaý kórsetip, hokeıge arnalǵan shana men syrǵytpa taıaq satyp alýǵa kómek surady.
«Para-hokkeı – paralımpıadalyq sport túri jáne biz onyń Qazaqstandaǵy damý múmkindikterin baıqap otyrmyz. Jigitterimizdiń qarqyny erekshe, jeńýge daıyn. Osy ýaqyt ishinde para-hokkeımen aınalysqysy keletin jankúıerlerimiz ben pikirles jandardy taptyq. «Qazaqstan halqyna» qory usynysymyzǵa jaýap berip, múgedek sportshylardy qoldaǵanyna rızamyz. Bul biz úshin kúshti motıvasıa, ynta-jigerimizdi odan ary arttyra tústi»,- dedi Qaırat Sabyrov.
Aımaqtarda múmkindigi shekteýli jandarǵa arnalǵan mamandandyrylǵan muz saraılarynyń bolmaýyna baılanysty para-hokkeı jetkilikti damymaǵan. Erekshe qajettilikteri bar adamdarǵa arnalǵan jalǵyz Muz saraıy Astanada «Tarlan» sport kesheninde ornalasqan.
«Qazaqstan halqyna» qorynda sport múgedek adamdardy áleýmettendirýdiń tıimdi quraldarynyń biri ekenin atap ótti. Qor «Tusaý keser» baǵdarlamasy aıasynda erekshe balalarǵa arnalǵan elimiz boıynsha bes dene shynyqtyrý-saýyqtyrý úıirmesin ashty. Sondaı-aq, elimizdiń para-atletteri úshin sporttyq-júgirý protezderin jasaý boıynsha qaıyrymdylyq baǵdarlamasyn iske asyrýda.
Quramanyń Astanaǵa oralýy 14 jeltoqsanda saǵat 19:30-da josparlanǵan.
