Elimizdiń joǵary jáne joǵary oqý ornynan keıingi bilimin damytýǵa qosqan kóp jylǵy úlesi úshin Ahmet Baıtursynov atyndaǵy ordenmen İİM Almaty akademıasy marapattaldy.
Mundaı sheshimdi QR joǵary oqý oryndary qaýymdastyǵynyń tóralqasy qabyldady, dep habarlaıdy Almaty-akshamy.kz Polisia.kz-ke silteme jasap
Marapattaý rásiminde Qaýymdastyq prezıdenti Rahman Alshanov atap ótkendeı, Almaty akademıasy – respýblıkadaǵy osy marapatqa ıe bolǵan alǵashqy joǵary oqý orny. Akademıada aqparattyq-kommýnıkasıalyq tehnologıalar, krımınaldyq polısıa, uıymdasqan qylmysqa, kıberqylmystarǵa, esirtki bıznesine, ekstremızmge qarsy is-qımyl jáne IT-krımınalıster salasyndaǵy mamandandyrýlar boıynsha joǵary, joǵary oqý ornynan keıingi jáne kásiptik bilimniń bilim berý baǵdarlamalary boıynsha kadrlardy daıarlaý júzege asyrylady.
Akademıanyń quqyq qorǵaý júıesi úshin kýrsanttan bastap joǵary býyn basshylaryna deıingi kásibı kadrlardy daıarlaý jónindegi kóp jyldyq tájirıbesi bilim berýdiń joǵary deńgeıi men sapasy týraly nyq senimmen aıtýǵa múmkindik beredi. Osyndaı joǵary nagradany tabystaý – İİM Almaty akademıasynyń ǵylym men bilimdi jáne quqyq qorǵaý qyzmetiniń ozyq tájirıbesin tıimdi biriktirgen jańa býynnyń oqý orny retinde tanylýynyń jarqyn aıǵaǵy.