Ekibastuzda jer úılerdi jylýǵa qosý jumystary áli júrip jatyr.
Jóndeý brıgadalaryna kedergi bolyp turǵany - keıbir turǵyndar úılerin jaýyp, ketip qalǵan. Qazir qalada tehnogendik tótenshe jaǵdaı rejımi alynyp tastalǵanymen, jedel shtab jumysyn jalǵastyrýda, dep habarlaıdy Almaty-akshamy.kz.
Apat saldaryn joıýǵa 200-deı adam jumyldyrylǵan. Ázirge oqýshylarǵa sabaq qashyqtan ótkizilip jatyr. Balabaqshalar jabyq. Sebebi ábden salqyndap ketken ǵımarattarda ishki temperatýrany kóterýge ýaqyt kerek. Negizgi jumystar jeke sektorlardyń aýmaǵynda júrip jatyr.
«Endigi aldymyzda turǵan maqsat - 18 úıdi aıaqtaý. Ol jerde endi 18 úıdiń bári - shalǵaı jatqan úıler. Olarǵa jeke jylý júıeleri kishi dıametrli qubyrmen jetkizilgen. Sondyqtan onyń bárin, muzdap qalǵan jylý jelilerin qalpyna keltirý ýaqyt alyp otyr», - dedi Ekibastuz qalasynyń ákimi Aıan Beısekın.