Qylmystyq is qozǵalyp, birneshe adam ustaldy.
Qazaqstan men Ózbekstan shekarasynda qupıa jerasty joly tabyldy, dep habarlaıdy Almaty-akshamy.kz Ózbekstan memlekettik qaýipsizdik qyzmetine silteme jasaı otyryp.
Úndistannan Ózbekstanǵa Qazaqstan arqyly kepildendirilmegen sapaly dárilik zattardyń iri partıalaryn jetkizýmen aınalysatyn transshekaralyq qylmystyq toptyń qylmysy ashylǵan.
Qaýipsizdik qyzmetiniń málimetteri boıynsha, dári-dármektiń kezekti partıasy Delıden Almatyǵa Tashkent arqyly tranzıtpen jetkizilgen. Sodan keıin Qazaqstannyń Túrkistan oblysy Saryaǵash aýdanynyń shekara mańyndaǵy Dostyq aýylyna ákelinip, qupıa týnel arqyly Tashkent oblysyndaǵy mahallaǵa jetkizilgen.
Uzyndyǵy 310 metrlik týnel 1975 jyly týǵan mahalla turǵynynyń úıinen qazylǵan. Ol jeldetý jáne jaryqtandyrýmen jabdyqtalǵan, sonymen qatar júk tasymaldaýǵa arnalǵan arbalary men arqandary bar.
Qylmystyq toptyń boljamdy múshelerinen Úndistanda jasalǵan 107 dári-dármektiń 17 048 paketi tárkilendi, onyń ishinde Albýmın, Remdesıvır, Meropenem jáne basqalary bar. Olardyń jalpy quny 1 mlrd sýmnan astam somaǵa (37,5 mln teńge) baǵalandy.