Qazaqstan halqynyń sany ósken.
Elimizde erlerge qaraǵanda áıelder kóp, dep habarlaıdy Almaty-akshamy.kz Ulttyq statısıka búrosynyń máliıetine silteme jasap.
Búro 1 maýsymdaǵy derek boıynsha Qazaqstan halqynyń sanyn jarıalady. Jańartylǵan derekterge sensek, elimizde 20 139 914 adam bar eken.
Búronyń málimetine sensek, jyl basynda elimizde 20 033 842 adam tirkelgen. Sóıtip qazaqstandyqtardyń sany 5 aıda 100 myńnan asty.
Elimizdiń eń tyǵyz qonystanǵan óńirleri bestigine Almaty (2 253 502 adam), Túrkistan oblysy (2 149 210 adam), Almaty oblysy (1 543 588 adam), Astana (1 464 415 adam) jáne Shymkent (1 236 901 adam) kiredi.
Mıllıonnan asa halqy bar óńirler qataryna Jambyl (1 223 457 adam) jáne Qaraǵandy oblystary da (1 134 935 adam) kiredi. Aqtóbe oblysy da osy shekke jaqyndady: 1 maýsymdaǵy jaǵdaı boıynsha munda 943 615 adam turdy.
El turǵyndarynyń basym bóligi qalada qonystanǵan – 12 552 583 adam. Al eldimekenderde turatyn halyq sany – 7 587 331. Áıelder (10 302 166) erlerge (9 837 748) qaraǵanda áldeqaıda kóp.