Buǵan ákimshilik jaza qarastyrylǵan.
Memlekettik kirister komıteti ókilderiniń aıtýynsha, Azamattyq kodekske sáıkes, QR aýmaǵyndaǵy aqshalaı mindettemeler teńgemen kórsetilýi tıis, dep habarlaıdy Almaty-akshamy.kz
Almatydaǵy dámhanalardyń birinde qonaqtarǵa tapsyrys somasyn teńgemen de, rúblmen de kórsetken chek usynylǵan.
TikTok-ta jarıalanǵan beınede jergilikti turǵyndardyń biri reseılik franchaızıńke tıesili pısserıaǵa barǵan.
"Jańa ǵana pısserıada boldym. Bul reseılik franshıza. Men shot suradym, maǵan chek ákeldi. Onda jıyntyq soma teńgemen de, rúblmen de kórsetilgen. Biz óz ulttyq valútasy bar táýelsiz memlekette ómir súrip jatyrmyz, Qazaqstanda tek osy valútany ǵana paıdalanamyz. Nelikten olar maǵan rúblmen esepshot ákeledi?"- kelýshi ashýlandy.
Memlekettik kirister komıteti ne deıdi?
Memlekettik kirister komıteti beınede usynylǵan chek QR zańnamasynda belgilengen baqylaý-kassalyq chek bolyp tabylmaıtynyn túsindirdi.
"QR Salyq kodeksine sáıkes satýshy taýardyń, jumys pen qyzmettiń tólengen Somasy úshin BKM chegin berýge mindetti. "Ulttyq bank týraly" Zańǵa sáıkes Qazaqstan teńgesi QR aqsha birligi bolyp tabylady. Azamattyq kodekske sáıkes QR aýmaǵyndaǵy aqshalaı mindettemeler teńgemen kórsetilýi tıis", – dep eske saldy MKK.
Baqylaý-kassalyq chekti qoldaný kezinde qoıylatyn talaptardy saqtaý salyq tóleýshiniń mindeti bolyp tabylady. Buzýshylyq úshin ákimshilik jaza qarastyrylǵan.