2024 jyl Qazaqstan úshin Ortalyq Azıa memleketterimen kópjosparly yntymaqtastyqty nyǵaıtý turǵysynan mańyzdy jyl boldy. Memleket basshysynyń «Ortalyq Azıanyń Renesansy: ornyqty damý men órkendeý jolynda» baǵdarlamalyq maqalasy óńirdegi baýyrlastyq qatynastar men strategıalyq seriktestiktiń jańa formattaryn belgiledi, dep habarlaıdy aqshamnews.kz
Ázerbaıjan Prezıdenti men BUU ókilderiniń qatysýymen Ortalyq Azıa memleketteri basshylarynyń konsýltatıvtik kezdesýi 6-shy ret ótkizildi. Samıt qorytyndysy boıynsha «OA-2040» Óńirlik kooperasıany damytý tujyrymdamasyna jáne 2025-2027 jyldarǵa arnalǵan Ónerkásiptik kooperasıany damytý jónindegi is-qımyl josparyna qol qoıyldy, bul Ortalyq Azıadaǵy yntymaqtastyqtyń jańa kezeńin bastady.
Qazaqstan halyqaralyq dıplomatıada mańyzdy ról atqarýdy jalǵastyrýda. Astana prosesi aıasynda Sırıa daǵdarysy boıynsha kelissózder alańy usynylyp, elimiz qaqtyǵystardy retteý úshin deldaldyq qyzmetter atqarýda. Sonymen qatar, Qazaqstan óńirlik qaqtyǵystardy sheshý maqsatynda halyqaralyq medıasıa ortalyǵyn qurýdy usyndy.
Qazaqstannyń energetıka, kólik, saýda jáne sıfrlyq tehnologıalar salasyndaǵy iri óńirlik jobalarǵa bastamashy bolýy elimizdiń jahandyq ekonomıkalyq baılanystardy nyǵaıtýǵa degen umtylysyn kórsetedi. Transkaspıı halyqaralyq kólik baǵytyn damytý jáne Eýrazıalyq ekonomıkalyq odaqqa belsendi qatysý elimizdiń syrtqy saıasatyndaǵy basty baǵyttar bolyp tabylady. Jasyl tehnologıalar men ekonomıkany dekarbonızasıalaý jónindegi baǵdarlamalar Qazaqstannyń halyqaralyq kún tártibinde mańyzdy ról atqaryp otyr.
Qazaqstan beıbitshilikke baǵyttalǵan syrtqy saıasat ustanyp, eýrazıalyq keńistikte qaýipsizdik, ornyqty damý men órkendeýdi qamtamasyz etý úshin eleýli úles qosýda. BUU, DSU jáne basqa da halyqaralyq uıymdardyń jahandyq bastamalaryna qatysý jáne jetekshi derjavalarmen strategıalyq seriktestikti damytý Qazaqstannyń syrtqy saıasatynyń negizgi basymdyqtary bolyp tabylady.