Shyǵys Qazaqstan oblysynda jıyrma jyl buryn jasalǵan qylmystyń beti ashyldy, - dep habarlaıdy aqshamnews.kz.
2004 jyldyń 22 qańtarynda Óskemen qalasyndaǵy úılerdiń birinen zorlyq belgileri bar er adamnyń máıiti tabylǵan edi. Tergeý barysynda bul qylmystyń izin jasyrý úshin kúdikti oqıǵa ornyn órtep jibergeni anyqtaldy. Sol kezde qylmystyq is qozǵalǵanymen, aıǵaqtardyń joıylýy men qylmyskerdiń izin sýytýy tergeý barysyn kúrdelendirdi. Alaıda qansha jyl ótse de, polısıa qyzmetkerleri bul isti umytqan joq.
Jedel ýákilder materıaldardy qaıta qarap, derekterdi taldap, qylmystyń tolyq kórinisin kezeń-kezeńimen qalpyna keltirdi. 2025 jyldyń aqpan aıynda qylmystyq is qaıta jandanyp, jedel tergeý toby keshendi izdestirý sharalaryn júrgizdi. Nátıjesinde kúdiktiniń izine túsý múmkin boldy.
18 aqpanda sot sheshimimen kúdikti qamaýǵa alyndy.
Qazirgi ýaqytta qylmystyń barlyq mán-jaıyn anyqtaýǵa baǵyttalǵan tergeý amaldary jalǵasýda. Bul – ádildik ornaıtynyn dáleldeıtin taǵy bir aıqyn mysal.