Mádenıet kúnderi aıasynda birqatar is-shara uıymdastyrylǵan.
2024 jylǵy 20-22 tamyz aralyǵynda Tájikstanda Qazaqstan Respýblıkasynyń mádenıet kúnderi ótedi, dep habarlaıdy aqshamnews.kz
"2024 jylǵy 20 tamyzda Dýshanbe qalasyndaǵy "Vatan" kınoteatrynda qazaqstandyq kıno kúnderiniń ashylýy ótedi", - dep jazylǵan Mádenıet mınıstrligi taratqan habarlamada.
22 tamyz kúni saǵat 19:00-de "Kohı Borbad" memlekettik kesheninde Qazaqstan óner sheberleriniń qatysýymen gala-konsert ótedi, oǵan Qazaqstannyń halyq ártisteri men eńbek sińirgen qaıratkerleri, sondaı-aq halyqaralyq konkýrs laýreattary qatysady.
Sonymen qatar gala-konsert bastalmas buryn "Kohı Borbad" memlekettik kesheni foıesinde Qazaqstan Respýblıkasynyń Ulttyq mýzeıiniń qorynan "Qazaq halqynyń qoldanbaly-sándik óneri" atty kórmesi usynylady. Kórmeniń negizin XVIII-XX ǵasyrlardaǵy qoldanbaly ónerdiń biregeı zattary quraıdy.