DSM Qazaqstandaǵy koronavırýs jaǵdaıyna qatysty málimdeme jasady.
Jyldyń basynan beri 1 290 adam KVI-ge shaldyqqan, dep habarlaıdy aqshamnews.kz
Bul rette JRVI, vırýsty pnevmonıa jáne KVI juqtyryp aýrýhanaǵa túskenderdiń joqtyǵyn aıta ketý kerek, bul KVI boıynsha dert aǵyny jeńil túrde ótip jatqanyn kórsetedi. Sonymen sekvenırleýdiń sońǵy derekterine sáıkes, Qazaqstanda álemdegideı 100 paıyz jaǵdaıda Omıkron shtammynyń túrli nusqalary aınalysta júr.
QR memlekettik bas dárigeriniń m.a. 2024 jylǵy 16 tamyzdaǵy №7 "2024-2025 jylǵy epıdemıalyq maýsymda tumaý, ótkir respıratorly vırýsty ınfeksıa (JRVI) jáne koronavırýs ınfeksıasy (COVID-19) boıynsha sanıtarlyq-profılaktıkalyq, sanıtarlyq-epıdemıaǵa qarsy is-sharalar ótkizý týraly" qaýlyǵa qol qoıdy.
Qaýlyda JRVI, tumaý jáne COVID-19 boıynsha epıdemıalyq maýsym merzimine profılaktıkalyq jáne epıdemıaǵa qarsy is-sharalar, sonyń ishinde:
2024 jyldyń 1 qyrkúıeginen bastap tumaýǵa qarsy vaksınasıa júrgizý;
Medısınalyq uıymdarda: kireberisti "súzgi" jumysymen qamtamasyz etý, betperde taǵý, antıseptıkterdiń bolýy;
JRVI, tumaý baıqalǵan bir jasqa deıingi sábıler men júkti áıelderdiń úıge shaqyrtýyna birinshi kezekte qyzmet kórsetý qarastyrylǵan.
Tumaý, JRVI, KVI aýrýlarynyń aldyn alý úshin kelesideı profılaktıkalyq sharalar júrgizý usynylady: ǵımarattyń ishin jıi-jıi jeldetip otyrý, qoldy taza ustaý úshin antıseptıkalyq quraldardy paıdalaný, naýqas adamdarmen baılanysty shekteý, aýyryp turǵan adamdarmen baılanysqan jaǵdaıda betperde taǵý, medısınalyq kómekke der kezinde júginý.