Shara aıasynda qazaq kınosynyń kúnderi ótedi.
Tashkent qalasyndaǵy «Túrkistan» óner saraıynda Qazaqstannyń mádenıet kúnderiniń ashylý saltanaty ótti, dep habarlaıdy Almaty-akshamy.kz
Ózbekstannyń Mádenıet jáne týrızm mınıstrliginiń habarlaýynsha, ashylý saltanatynda Roza Baǵlanova atyndaǵy «Qazaqkonsert» memlekettik mekemesiniń shyǵarmashylyq tobynyń konserttik baǵdarlamasy boldy.
Mádenı sharanyń ashylý saltanatyna Mádenıet jáne sport mınıstriniń orynbasary Nurqısa Dáýeshov pen Ózbekstan Respýblıkasynyń Mádenıet jáne týrızm mınıstri Ozodbek Nazarbekov qatysty.
Konserttik baǵdarlamada Qazaqstan Repýblıkasynyń eńbek sińirgen qaıratkeri Álisher Kárimov, Rýhıa Baıdúkenova, Mádı Syzdyqov, «Gúlder» ansambli, «Turan» fólklorlyq-etnografıalyq ansámblderi óner kórsetti.
Sonymen qatar Tashkentte qazaq kınosynyń kúnderi ótedi. Onyń aıasynda Álisher Naýaı atyndaǵy kınoteatr zaldarynda «Sultan Beıbarys», «Muqaǵalı», «Dos-Muqasan», «Vremá patrıotov», «Paralımpıadashy», «Na starte», «Leto 1941 goda» kórkem fılmderi, «Kenje qyz», «Besik jyry», «Ámen aǵanyń ǵajaıyp báıteregi» múltfılmderi kórsetiledi.