Bul týraly ol Astanada ótken Qazaqstan men Germanıa rektorlarynyń forýmynda málimdedi, dep habarlaıdy Almaty-akshamy.kz.
«Biz bárimiz turaqty álemdi qalaımyz jáne ǵylymsyz muny isteý múmkin emes. Ol úshin biz birigip, birge damýymyz kerek. Burynǵy múmkindikter men yntymaqtastyqqa súıene otyryp, biz kelesi qadamdy jasaýymyz kerek. Mundaı «bastapqy núkte» bizdiń elderimizdiń ǵalymdarynyń ǵylymı zertteýleri men ázirlemeleri bolýy múmkin», - dedi profesor Rommel Volrad.
Ol sondaı-aq qazaqstandyq jáne nemis ǵalymdary birlesken zertteý toptary men ortalyqtaryn uıymdastyrýǵa, birlesken jobalardy iske asyrýǵa, ǵylymdy damytý úshin ınovasıalyq platformalar ashýǵa daıyn ekenin atap ótti.
Syndarly dıalog barysynda forýmǵa qatysýshylar ǵylym, joǵary bilim, energetıka, ekologıa, ınjenerıa jáne jasyl tehnologıalar salasyndaǵy yntymaqtastyq perspektıvalaryn talqylady. Qatysýshylardyń pikirinshe, aldaǵy onjyldyq bizdiń elderimizdiń ekonomıkalyq jáne ǵylymı áleýetin damytýdyń uzaq merzimdi kezeńi bolady.
Esterińizge sala keteıik, Astanada GFR Prezıdenti Frank-Valter Shtaınmaıerdiń memlekettik sapary aıasynda Qazaqstandyq jáne nemis ýnıversıtetteri rektorlarynyń forýmy ótti. Forýmǵa qatysý úshin Germanıanyń iri tehnıkalyq ýnıversıtetteri men ǵylymı ortalyqtary ókilderiniń úlken delegasıasy keldi.