QR Básekelestikti qorǵaý jáne damytý agenttiginiń Astana qalasy boıynsha departamenti «Qazaqtelekom» AQ kórsetetin qyzmetti tekserý barysynda birneshe zańbuzýshylyqty anyqtady, dep habarlaıdy Almaty-akshamy.kz.
«iD Net» qyzmeti boıynsha ınternetke kirý úshin ONT qurylǵylaryn jalǵa berý boıynsha qyzmetin tekserý barysynda abonentterge qosymsha jabdyqty (modem) jalǵa berý belgileri (mindetti túrde) bar ekenin anyqtady», - delingen agenttik habarlamasynda, dep jazdy Azattyq Ruhy.
Aksıonerlik qoǵamnyń aqparaty boıynsha G-PON jelisiniń OLT stasıonarlyq jabdyǵy men abonentterge Aksıonerlik qoǵam mindetti túrde jalǵa beretin klıenttik jabdyq arasynda árbir óndirýshi OMCI ózara is-qımylynyń menshikti (avtorlyq quqyqpen qorǵalǵan) hattamasyn qoldanady. Osylaısha, klıent stasıonarlyq óndirýshimen birdeı jabdyqqa ıe bola otyryp, ony paıdalana almaıdy, óıtkeni Aksıonerlik qoǵam óziniń jabdyqtaryn «abonentke mindetti túrde jalǵa beredi».
«Aksıonerlik qoǵamnyń bul áreketteri klıenttiń ınternet jelisine qol jetkizý qyzmetterin alý úshin óziniń sertıfıkattalǵan Abonenttik qurylǵylaryn paıdalaný quqyǵyna qatysty normalardy buzǵan. Demek, aksıonerlik qoǵamnyń is-áreketterinde departament básekelestikti qorǵaý salasyndaǵy zańnamany buzý belgilerin, atap aıtqanda tutynýshylardyń zańdy quqyqtaryna nuqsan keltiretin ústem jaǵdaıdy teris paıdalaný is-qımylyn baıqady», - dep atap ótti vedomstvo ókilderi.
Osyǵan baılanysty, aksıonerlik qoǵamǵa buzýshylyq belgilerin joıý jóninde sharalar qabyldaý qajettigi týraly habarlama jiberildi, ony ishinde tutynýshylarǵa óz jabdyqtaryn paıdalanýǵa múmkindik berýdi týraly eskertpe de bar.