Sońǵy tórt aıda el ekonomıkasy 6%-ǵa ósti. Bul týraly Ulttyq ekonomıka mınıstrligi habarlady. Ósimge kólik, saýda, ónerkásip, aýyl sharýashylyǵy jáne baılanys salalaryndaǵy oń serpin áser etti.
Kólik sektory eń joǵary nátıje kórsetti – ósim 22%. Túrkistan, Jambyl jáne Abaı oblystary kósh bastady. Qurylys salasynda naqty jumys kóleminiń ósimi – 16%.
Saýda salasy da alǵa ilgeriledi: kóterme saýda – 7%, bólshek – 6% ósti. Túrkistan oblysy – jemis, kókónis, farmasevtıka, Aqmola – astyq pen mal azyǵy, Shymkent – metal synyqtary saýdasynan alda.
Ónerkásiptegi ósim – 6%. Onyń ishinde óńdeý ónerkásibi – 7%, tamaq óndirisi – 12%, temeki – 26%, hımıa men mashına jasaý – 11%. Aýyl sharýashylyǵy 3,9% ósim kórsetti. Sarapshylar qıyn klımattyq jaǵdaılarǵa qaramastan bul oń kórsetkish ekenin aıtady.
Mamandar pikiri: Ekonomıka tek sandarmen emes, sapamen baǵalanýy kerek. Halyq ósimdi naqty sezinýi tıis.
Alda turǵan basty mindet – osy qarqyndy saqtap, sapaly damýǵa kóshý.