BAÁ-niń taq murageriniń resmı sapary aıasynda Saýda jáne ıntegrasıa mınıstri Arman Shaqqalıev pen Aýyl sharýashylyǵy mınıstri Aıdarbek Saparov Parsy shyǵanaǵy elderindegi jetekshi rıteıler — LuLu kompanıasynyń dırektorlar keńesiniń tóraǵasy Iýsýf Álı Mýsalıam Vıttıl Abdýl Kadermen kezdesti, dep habarlaıdy aqshamnews.kz
LuLu 280-nen astam gıpermarket jelisin basqarady jáne qazaqstandyq óndirýshilermen birlesken jobalardy iske asyrýǵa múddeli. Taraptar et, sút, jumyrtqa, astyq ónimderin eksporttaý, jemis óńdeý jáne et ónimderin óndirý múmkindikterin talqylady.
Qazaqstan LuLu-ge elimizde logıstıkalyq jáne eksporttyq ortalyq ashýdy usyndy. Bul qadam kompanıaǵa ónimdi tıimdi jınap, Parsy shyǵanaǵy elderine jóneltýge jol ashady.