Mamyr aıy eldiń kóp bóliginde ystyq jáne qurǵaq bolady.
Maýsym aıynda aılyq ortasha aýa temperatýrasy Qazaqstannyń soltústigi men ortalyǵynda 17-20 gradýs, al batysynda 23-25 gradýs bolady, dep habarlaıdy aqshamnews.kz
Ekologıa jáne tabıǵı resýrstar mınıstri Erlan Nysanbaev qurǵaqshylyqqa qatysty boljamdy jarıalady.
Mamyr aıy eldiń kóp bóliginde ystyq jáne qurǵaq bolady. Alaıda egin egetin óńirlerde jáne ońtústikte jaýyn-shashyn kólemi klımattyq normaǵa jaqyndaıdy.
"Mamyr aıynda Qostanaı oblysynyń ońtústiginde, Batys Qazaqstan jáne Mańǵystaý oblystarynyń ońtústik-batys jartysynda, Qyzylorda oblysynyń soltústik-batys bóliginde, Almaty jáne Jambyl oblystarynyń soltústiginde, Qaraǵandy oblysynyń ońtústiginde, sondaı-aq Aqtóbe, Atyraý, Abaı jáne Túrkistan oblystarynyń jekelegen aýdandarynda qurǵaqshylyq bolady dep boljanýda", - dedi Nysanbaev úkimettiń búgingi otyrysynda.
Maýsym aıynda Qazaqstannyń basym bóliginde aılyq ortasha aýa temperatýrasy, ıaǵnı eldiń soltústigi men ortalyǵynda 17-20 gradýs, al batysynda 23-25 gradýs bolady. Al ońtústik-batysta jáne qıyr ońtústikte maksımaldy temperatýra 45 gradýsqa deıin kóteriledi.
"Eldiń batysynda jáne soltústik-shyǵysynda, shyǵysynda jáne ońtústiginde jaýyn-shashyn norma sheginde, al qalǵan aýmaqta kóbinese normadan az bolady", - dep atap ótti mınıstr.
Shilde aıynda aýa temperatýrasy norma sheginde, jaýyn-shashyn negizinen kópjyldyq normaǵa saı bolady. Al tamyz jáne qyrkúıek aılary eginniń pisýi jáne ony jınaý jumystaryna qolaıly bolady dep boljanyp otyr.