Qazaqstandyq Gúlnár Muqanova jáne Madına Tuqylova WOMANi Awards 2023 júldesimen marapattaldy.
Bul ıslam bıznesi men qarjysy salasyndaǵy kásibı mamandarǵa beriletin syı, dep habarlaıdy almaty-akshamy.kz 24.kz-ke silteme jasap.
Úzdikterdi marapattaý rásimi Dýbaıda ótti. Maqsat – ıslamdyq qarjylandyrý júıesinde qyzmet etetin áıelderge qoldaý kórsetý. Sondaı-aq, marapatty uıymdastyrýshy - Kembrıdj ıslamdyq qarjylandyrý ınstıtýty áıelderge óz bıznesin ashý úshin kapıtalǵa ońaı qol jetkizýge múmkindik berýdi kózdeıdi. Bıyl ıslamdyq qarjylandyrý salasy órkendegen elderden,,, 500 kásibı maman áıel tańdalǵan. Olardyń qatarynda bizdiń otandastarymyz da bar. Madına Tuqylova Astana halyqaralyq qarjy ortalyǵynda ıslamdyq qarjylandyrý salasyn damytýǵa atsalysqany úshin, Gúlnár Muqanova bul bastama jónindegi aqparatty qoǵamǵa jetkizgeni úshin úzdik atandy.